کیا مراکش نے فرانسیسی صدر کو دعوت دی ہے؟مراکشی حکام کیا کہتے ہیں؟

?️ 18 ستمبر 2023

سچ خبریں: مراکش کی حکومت کے ایک سرکاری ذریعے نے فرانسیسی وزیر خارجہ کے اس دعوے کی تردید کی ہے کہ مراکش کے بادشاہ نے ایمانوئل میکرون کو اس ملک کے دورے کی دعوت دی تھی۔

مراکش کی حکومت کے ایک سرکاری ذریعے نے المغرب العربی نیوز ایجنسی کے ساتھ گفتگو میں تاکید کی کہ فرانسیسی صدر ایمانوئل میکرون کے آئندہ دورہ مراکش کے بارے میں شائع ہونے والی خبریں حکومت کے شیڈول میں شامل نہیں ہیں اور اس سلسلے میں کوئی منصوبہ بندی نہیں کی گئی ہے۔

یہ بھی پڑھیں: مراکش زلزلہ کی صورتحال اور بین الاقوامی امداد

انہوں نے مزید کہا کہ ہم اس سلسلے میں فرانسیسی وزیر خارجہ کیتھرین کولونا کے الفاظ سے حیران ہیں،یہ اقدام یکطرفہ اقدام ہے اور فرانسیسی وزیر خارجہ نے بغیر مشاورت کے دوطرفہ معاملے پر بات کرنے کا خود کو حق دیا ہے۔

یاد رہے کہ بی ایف ایم چینل سے گفتگو میں فرانسیسی وزیر خارجہ نے دعویٰ کیا کہ میکرون مراکش کے بادشاہ محمد ششم کی دعوت پر اس ملک کا دورہ کرنے والے ہیں۔

باخبر ذرائع کے مطابق مراکش میں آنے والے خوفناک زلزلے کے بعد اس ملک کے بادشاہ کی جاجب سے فرانسیسی صدر کی کال کو مسترد کرنے اور پیرس کی امداد کو قبول نہ کرنے کے بعد یہ دعوی سامنے آیا ہے۔

یاد رہے کہ کچھ عرصہ قبل جی 20 اجلاس میں شرکت کے لیے ہندوستان کے دارالحکومت جاتے وقت میکرون نے طیارے مراکش میں آنے والے خوفناک زلزلے کے بعد اظہار تعزیت کے لیے اس کے بادشاہ سے بات کرنے کے لیے فون کرنے کو کہا لیکن محمد ششم نے کوئی جواب نہیں دیا۔

مزید پڑھیں: کیا فرانس میں خانہ جنگی ہونے جا رہی ہے؛فرانسیسی سیاستدان کی زبانی

سوربون یونیورسٹی کے تاریخ دان اور پروفیسر پیئر ورمیرین کا خیال ہے کہ مراکش کی بادشاہی کا یہ اقدام دونوں ممالک کے درمیان سیاسی تعلقات کی سرد مہری کی واضح علامت ہے۔