کیا صیہونی عبرانی عیدیں سکون سے منا سکیں گے؟

?️ 17 ستمبر 2023

سچ خبریں: صیہونی عبرانی عیدیں صیہونی مخالف مزاحمتی کاروائیوں کے خوف کے ساتھ منائیں گے۔

سما نیوز ایجنسی کی رپورٹ کے مطابق عبرانی عیدوں کے دوران 5 ہزار اسرائیلی پولیس فورس مقبوضہ مغربی کنارے کے مختلف علاقوں میں موجود رہے گی۔

یہ بھی پڑھیں: صیہونی حکام کیوں شدید خوف و ہراس میں مبتلا ہیں؟

اس بنا پر صیہونی حکومت کی پولیس عبرانی عیدوں کے آغاز کے ساتھ ہی مغربی کنارے کی مختلف صیہونی بستیوں میں سرحدی محافظوں اور صیہونی حکومت کی پولیس کی موجودگی میں اضافہ کرے گی۔

صیہونی پولیس نے اعلان کیا ہے کہ اس حکومت کی 5000 پولیس فورس عبرانی عیدوں کے دوران صہیونی بستیوں، تجارتی مراکز اور پرہجوم تفریحی مقامات کے مرکز میں موجود رہے گی۔

صیہونی حکومت کی شاباک سکیورٹی سروس نے بھی اعلان کیا ہے کہ اسے یہودیوں کی عیدوں کے دوران صیہونی مخالف کاروائیوں کے امکان کے بارے میں سینکڑوں انتباہات موصول ہوئے ہیں۔

صیہونی چینل کان نے بھی اطلاع دی ہے کہ صہیونی پولیس نے ہر یہودی عبادت گاہ میں مسلح فورس تعینات کر دی ہے اور بم ڈسپوزل ماہرین بھی پرہجوم علاقوں بالخصوص مقبوضہ یروشلم کے پرانے حصے میں موجود ہیں۔

دوسری جانب اسرائیلی فوج نے اسرائیلی پولیس کے چیف انسپکٹر یعقوب شبتائی کی درخواست کے جواب میں اعلان کیا ہے کہ صیہونی پولیس یافا، اللد، عکا، قدس اور وادی عارہ کے شہروں میں جہاں صیہونی آباد کار اور فلسطینی دونوں موجود ہیں، اپنی افواج میں اضافہ کرے گی۔

مزید پڑھیں: اسرائیلی حکومت کے ساتھ تعلقات کو معمول پر لانے کی مشین رک چکی ہے: سعد اللہ زارعی

صہیونی پولیس کے منصوبے کے مطابق صہیونی فوج کی جانب سے یروشلم کے پرانے حصے بالخصوص دیوار براق کی طرف جانے والے راستوں پر چوکیاں قائم کی جائیں گی۔