کیا امریکہ نیٹو کا وفادار ہے؟

?️ 17 ستمبر 2023

سچ خبریں: روس کی قومی سلامتی کونسل نے اعلان کیا کہ امریکہ نیٹو کے دوسرے رکن ممالک کے فوجیوں کو آسانی سے ہلاک ہونے کے لیے بھیج دیتا ہے۔

اسپوٹنک نیوز ایجنسی کی رپورٹ کے مطابق روس کی قومی سلامتی کونسل نے اس بات پر زور دیا کہ امریکہ نیٹو کے دیگر رکن ممالک کے فوجیوں کی جان کو آسانی سے خطرے میں ڈال دیتا ہے۔

یہ بھی پڑھیں: روس کا امریکہ اور نیٹو پر یوکرین میں اسلحہ اور فوج بھیجنے کا الزام

روس کی قومی سلامتی کونسل نے نیٹو پر امریکہ کے تسلط کا ذکر کرتے ہوئے کہا کہ واشنگٹن اپنے فوجیوں کی جان کو خطرے میں ڈالے بغیر نیٹو کے دوسرے رکن ممالک کے فوجیوں کو آسانی سے موت کے منھ میں ڈھکیل دیتا ہے۔

اس کونسل نے مغربی ممالک کی جانب سے دوسرے ممالک پر ان کی اپنی پالیسیوں پر عمل کرنے کے دباؤ ڈالنے کا حوالہ دیتے ہوئے واضح کیا کہ امریکہ، انگلینڈ اور فرانس کے سفیروں نے دوسرے ممالک کے وفود کو مجبور کرنے کی کوشش کی کہ وہ روس کی قومی سلامتی کونسل کے سکیورٹی اجلاس میں شرکت نہ کریں۔

روس کی قومی سلامتی کونسل نے روس میں بعض ممالک کی جاسوسی سرگرمیوں کا بھی تذکرہ کیا اور کہا کہ گزشتہ برسوں میں غیر ملکی انٹیلی جنس ایجنسیوں کے سینکڑوں کارندوں اور دیگر افراد جو روس اور اس کے شراکت داروں کے خلاف تخریبی کارروائیوں میں ملوث تھے، کی کارروائیوں کو بے اثر کر دیا گیا۔

مزید پڑھیں: امریکہ کی بالادستی کیوں کم ہو رہی ہے ؟

اس روسی سکیورٹی ادارے نے اقوام متحدہ کی سلامتی کونسل کے ڈھانچے اور اس میں تبدیلی کی ضرورت کی طرف اشارہ کرتے ہوئے مزید اعلان کیا کہ اقوام متحدہ کی سلامتی کونسل کو وسعت دینا اور اس میں بعض ایشیائی، افریقی اور جنوبی امریکی ممالک کو شامل کرنا انتہائی ضروری ہے۔