کولمبیا کے صدر گوستاوو پیٹرو کا اسرائیل کے خلاف سخت موقف

سچ خبریں: کولمبیا کے صدر گوستاوو پیٹرو نے اعلان کیا ہے کہ وہ ملک کے مسلح افواج کے کمانڈر ان چیف کی حیثیت سے ہر اس جہاز کو روکنے کا حکم دیں گے جو کوئلہ لے جا کر اسرائیل کو سپلائی کر رہا ہو۔

واضح رہے کہ انہوں نے زور دے کر کہا کہ کولمبیا، غزہ میں فلسطینیوں کے خلاف صہیونیستی ریاست کے نسل کشی کے اقدامات میں کسی قسم کی معاونت یا تعاون نہیں کرے گا۔

گزشتہ روز بھی صدر پیٹرو نے ملٹی نیشنل کمپنی "گلینکور” کو واضح انتباہ جاری کرتے ہوئے کہا تھا کہ اگر وہ اسرائیل کو کوئلہ برآمد کرتی رہی تو کولمبیا کی حکومت یکطرفہ طور پر اس کمپنی کے معاہدے میں ترمیم کر دے گی۔ رائٹرز کی رپورٹ کے مطابق، پیٹرو نے لاطینی امریکہ اور کیریبین ممالک کی تنظیم (CELAC) کے ایک اجلاس کے دوران کہا کہ اگر گلینکور حکومتی حکم کی تعمیل نہیں کرتی، تو وہ لا گواجیرا کے کوئلے کے کان کے ارد گرد کے مقامی لوگوں سے درخواست کریں گے کہ وہ کوئلہ برآمد روکنے کے لیے راستے بند کر دیں۔

انہوں نے واضح کیا کہ اگر ہمیں مجبور کیا گیا، تو ہم معاہدہ تبدیل کر دیں گے۔

"سیرجون” کان، جو گلینکور کے پاس ہے، دنیا کی سب سے بڑی اوپن کاسٹ کوئلے کی کانوں میں سے ایک ہے اور گزشتہ سال اس نے تقریباً 19 ملین ٹن کوئلہ پیدا کیا تھا۔

اس دھمکی کے جواب میں، گلینکور نے کہا کہ انہوں نے صدر کے سرکاری حکم سے پہلے ہی اسرائیل کو کوئلہ برآمد روک دیا تھا اور فی الحکم اس پر عمل کر رہے ہیں۔ تاہم، بعض میڈیا رپورٹس کے مطابق، دیگر کمپنیاں جیسے "ڈرمنڈ” اب بھی کولمبیا سے اسرائیل کو کوئلہ برآمد کر رہی ہیں۔