چین اور روس کو وسطی ایشیائی ممالک میں افراتفری کو روکنا ہوگا:چین

?️ 12 جنوری 2022

سچ خبریں:چینی وزیر خارجہ نے اپنے روسی ہم منصب سے خطاب کرتے ہوئے وسطی ایشیائی خطے کی سلامتی اور استحکام کے تحفظ کے لیے سلامتی کونسل کے دو رکن ممالک کے عزم پر زور دیا۔
اسپوٹنک نیوز ایجنسی نے اپنی ایک رپورٹ میں کہا ہے کہ نے چینی وزیر خارجہ وانگ یی کا کہنا ہے کہ چین اور روس کو سلامتی کونسل کے مستقل ارکان اور وسطی ایشیائی خطے کے دوست نیز پڑوسی ہونے کے ناطے خطے کو افراتفری میں مبتلا نہیں ہونے دینا چاہیے اور جنگ میں غرق ہونےسے بچانا چاہیے۔

یادرہے کہ وانگ نےگزشتہ روز قزقستان کے اپنے ہم منصب مختار طلباردی کو بتایا کہ چین قزاقستان کے ساتھ سکیورٹی اور قانون نافذ کرنے والے تعاون کو بڑھانا چاہتا ہے تاکہ اس ملک کو غیر ملکی اثر و رسوخ کا مقابلہ کرنے میں مدد ملے۔

واضح رہے کہ چین کے مطابق قزاقستان میں حالیہ ہنگامہ آرائی نے ظاہر کیا ہے کہ وسطی ایشیا کی صورت حال کو سنگین چیلنجوں کا سامنا ہے، اس بحران سے ایک بار پھر ثابت ہو گیا ہے کہ کچھ غیر ملکی طاقتیں خطے میں امن و استحکام نہیں چاہتیں۔

یادرہے کہ قزاقستان کو 2 جنوری سے بڑے پیمانے پر مظاہروں کا سامنا ہے، جس کا آغاز ایندھن کی بڑھتی ہوئی قیمتوں پر تنقید سے ہوا ، تاہم بعد میں مبینہ طور پر کچھ غیر ملکی عناصر سے وابستہ دہشت گرد گروہوں نے احتجاج کی پرامن نوعیت کا بغاوت کی سازش اور حکومت کا تختہ الٹنے کے حق میں صفحہ پلٹنے کی کوشش کی لیکن اجتماعی سلامتی معاہدہ تنظیم کی بروقت مداخلت نے اس سازش کو ناکام بنا دیا۔