پچھلے24 گھنٹے میں کتنے فلسطینی شہید ہوئے؟

?️ 20 ستمبر 2023

سچ خبریں: مقامی ذرائع نے بتایا ہے کہ اریحا کے جنین کیمپ اور جبر کے عقبہ کیمپ میں مزید دو فلسطینیوں کی شہادت کے بعد گزشتہ 24 گھنٹوں کے دوران فلسطینی شہداء کی تعداد 6 ہوگئی ہے۔

فلسطینی میڈیا کی رپورٹ کے مطابق اریحا کے جنین اور جبر کےعقبہ کیمپوں پر صہیونی دشمن کے حملوں میں زخمی ہونے والے دو فلسطینی زخموں کی تاب نہ لاتے ہوئے دم توڑ گئے۔

یہ بھی پڑھیں: مغربی کنارے میں صہیونیوں کے ڈرون حملے میں 3 فلسطینی شہید

فلسطینی ذرائع نے اعلان کیا کہ جنین کیمپ پر گزشتہ روز اسرائیلی فوج کے حملے میں زخمی ہونے والا 30 سالہ فلسطینی نوجوان عطا یاسر موسی زخموں کی تاب نہ لاتے ہوئے چل بسا۔

اس طرح جنین پر کل کے حملے میں شہید ہونے والوں کی تعداد 4 ہو گئی۔

اسی طرح عقبہ جبر کیمپ پر صہیونیوں کے حملے میں زخمی ہونے والا 19 سالہ فلسطینی نوجوان ضرغام الاخرس زخموں کی تاب نہ لاتے ہوئے شہید ہوگیا۔

مزید پڑھیں: صیہونیوں کی براہ راست فائرنگ سے ایک ہفتے میں 9 فلسطینی شہید

یاد رہے کہ گزشتہ 24 گھنٹوں کے دوران جنین کیمپ، عقبہ جبر کیمپ اور غزہ میں اسرائیلی قابض فوج کی فائرنگ سے 6 فلسطینی شہید ہوئے۔

اس واقعے کے بعد فلسطینی ذرائع نے شہداء کی تصاویر شائع کرکے مغربی کنارے کے شمال میں واقع شہر جنین میں عام ہڑتال شروع کرنے کا اعلان کیا۔