پچھلے 24 گھنٹوں میں یمن کے الحدیدہ صوبے میں سعودی اتحاد کی 243 بار جنگ بندی کی خلاف ورزی

?️ 4 فروری 2021

سچ خبریں:سعودی اتحاد نے یمن کے صوبہ الحدیدہ صوبے میں گذشتہ چوبیس گھنٹوں کے اندر 243 بار جنگ بندی کی خلاف ورزی کی۔
المیادین چینل کی رپورٹ کے مطابق یمن کے الحدیدہ صوبے میں گذشتہ 24 گھنٹوں کے دوران سعودی اتحاد نے 243 مرتبہ جنگ بندی کی خلاف ورزی کی، ادھر یمنی ذرائع نے یمن کے مختلف حصوں میں سعودی اتحاد کے حملوں کے جاری رہنےکی اطلاع دی، رپورٹ کے مطابق سعودی لڑاکا طیاروں نے صوبہ صعدہ ، الحجہ ، الحدیدہ اور نجران کے سرحدی علاقوں میں بمباری کی، ۔

قابل ذکر ہے کہ سعودی حکومت نے امریکہ اور اس سے وابستہ کئی دوسرے عرب ممالک کی حمایت سے 5 سال سے زیادہ عرصے سے یمن پر اپنے جارحانہ حملے جاری رکھے ہوئے ہیں، اس جارحیت کے دوران ہزاروں یمنی شہری شہید اور زخمی ہوئے جن میں زیادہ تر خواتین اور بچے شامل ہیں جبکہ ملک کے انفراسٹرکچر کو بہت زیادہ نقصان پہنچا ہے یہاں تک کہ انسانی حقوق کی متعدد تنظیمیں بارہا کہہ چکی ہیں یمن انسانی بحران کے دہانے تک پہنچ چکا ہے ،یہاں کسی بھی وقت تاریخ کا سب سے بڑا بحران آسکتا ہے ،یمنی محکمہ صحت کا کہنا ہے سعودی جارح اتحاد نے اس ملک کے اسی فیصد اسپتالوں اور طبی مراکز کو تباہ کر دیا ہے اور جو باقی بچ بھی گئے ان میں بنیادی طبی سہولیات کا فقدان ہے اس لیے کہ سعودی اتحاد نے اس ملک کے تمام بین الاقوامی ہوئے اڈے بند کررکھے ہیں جس کی بنا پر بیمار افراد نہ ملک سے باہر جا سکتے ہیں اور نہ ہی دوائیں ملک میں آسکتی ہیں ۔

قابل ذکر ہے کہ اس غریب ملک میں اس قدر انسانی حقوق کی پائمالی ہورہی ہے لیکن اقوام متحدہ سمیت پوری عالمی برادری اور انسانی حقوق کے ٹھیکیدار کہلانے والے ادارے خاموش تماشائی بنے دیکھ رہے ہیں۔