پرامن ایٹمی ٹیکنالوجی کا استعمال ہمارا مسلم حق ہے:ایرانی صدر

?️ 10 اپریل 2022

سچ خبریں:ایران کے صدر نے ایٹمی ٹیکنالوجی کے پرامن استعمال کو ایران کا مسلم حق قرار دیتے ہوئے کہا کہ ہم اپنی ایٹمی ترقی اور پیشرفت کے لیے کسی دوسرے ملک کی رائے اور مرضی کے متحاج نہیں ہیں۔
ایران کے صدر سید ابراہیم رئیسی نے ایٹمی ٹیکنالوجی کے قومی دن کے موقع پر ایٹمی ٹیکنالوجی کے محکمہ کی جانب سے منعقد کی جانے والی ایک نمائش کے معائنے کے بعد صحافیوں سے بات چیت کرتے ہوئے کہا کہ ایٹمی شعبے میں ایرانی نوجوانوں اور سائنسدانوں نے جو کارنامے انجام دیئے ہیں وہ قابل فخر ہیں۔

صدر ایران نے ایٹمی شعبے میں ملک کی ترقی و پیشرفت کو نوجوان نسل اور سائنسدانوں کی خود اعتمادی اور اندرونی توانائیوں پر بھروسے کا نتیجہ قرار دیا،سید ابراہیم رئیسی نے کہا کہ جس جذبے اور لگن سے ایٹمی شعبے نے ترقی کی ہے ایسا دوسری صنعتوں میں بھی دکھائی دینا چاہیے۔

انہوں نے ایٹمی ٹیکنالوجی کے پرامن استعمال کو ایران کا مسلم حق قرار دیتے ہوئے کہا کہ نوجوان نسل اور ملکی سائنسدانوں پر اعتماد اور جہادی بنیادوں پر کام کا ماڈل ہمیشہ کامیاب رہا ہے نیز دیگر شعبوں کو اس جانب قدم بڑھانا چاہیے۔

ابراہیم رئیسی نے یہ بات زور دے کر کہی کہ ایران اپنی ایٹمی ترقی اور پیشرفت کے لیے کسی دوسرے ملک کی رائے اور مرضی کا متحاج نہیں،انہوں نے کہا کہ ایٹمی ٹیکنالوجی کے پرامن استعمال کے حوالے سے ہمارے سائنسدانوں کی تحقیقی اور ترقیاتی سرگرمیوں کی رفتار اچھی ہے اور ہماری حکومت اس کی حمایت کرتی ہے۔

اس موقع پر ایران کے محکمہ ایٹمی توانائی کے سربراہ محمد اسلامی اور سائنس و ٹیکنالوجی کے امور میں صدر کے معاون خصوصی سورنا ستاری نے ایٹمی سائنس و ٹیکنالوجی کے میدان میں ملک کی ترقی کے مختلف معاملات سے صدر کو آگاہ کیا۔