?️
ٹرمپ کا انویدیا اور اے ایم ڈی کمپنی کے ساتھ وہ انوکھا معاہدہ جس سے چین کو ہوگا فائدہ
امریکی جریدے ٹائم کے مطابق صدر ڈونلڈ ٹرمپ نے ٹیکنالوجی کمپنی انویدیا (Nvidia) کو اجازت دی ہے کہ وہ اپنی کچھ مصنوعی ذہانت (AI) کے چپس چین کو برآمد کرے، لیکن اس شرط کے ساتھ کہ فروخت سے حاصل ہونے والی آمدنی کا 15 فیصد حصہ امریکی حکومت کو دیا جائے گا۔ اسی نوعیت کا ایک معاہدہ کمپنی اے ایم ڈی (AMD) کے ساتھ بھی کیا گیا ہے۔
یہ فیصلہ اس وقت سامنے آیا ہے جب واشنگٹن نے 2022 سے چین کو جدید ترین سیمی کنڈکٹرز کی برآمدات پر پابندی لگا رکھی تھی تاکہ بیجنگ ان کا فوجی یا حساس منصوبوں میں استعمال نہ کر سکے۔ انویدیا اس پابندی کے بعد چین کے لیے نسبتاً کم طاقتور ورژن "H20” متعارف کروا چکی تھی۔ تاہم رواں سال اپریل میں ٹرمپ انتظامیہ نے ان چپس کی برآمدات کے لیے بھی خصوصی اجازت نامہ لازمی قرار دے دیا تھا، جس کے باعث کمپنی کو ایک سہ ماہی میں 2.5 ارب ڈالر کے نقصان کا سامنا کرنا پڑا۔
انویدیا کے سی ای او جن سن ہوانگ نے اس پابندی کے خاتمے کے لیے طویل عرصے تک لابنگ کی اور امریکہ میں مصنوعی ذہانت کے سرورز کی تیاری کے لیے 500 ارب ڈالر کی سرمایہ کاری کی پیشکش بھی کی۔ بالآخر وائٹ ہاؤس میں ٹرمپ سے ملاقات کے بعد برآمدات پر دوبارہ اجازت دے دی گئی۔
ٹرمپ نے ایک پریس کانفرنس میں کہا کہ "میں نے کہا تھا 20 فیصد چاہیئے، لیکن ہوانگ نے اسے 15 فیصد تک لے آیا۔ یہ پیسہ ملک کے لیے ہے، میرے لیے نہیں۔” ان کے مطابق یہ اجازت صرف انویدیا کے "H20” اور ای ایم ڈی کے "MI-308” جیسے پرانے اور کم رفتار چپس کے لیے ہے، جبکہ جدید ترین "بلیک ویل” سیریز کسی بھی صورت میں چین کو فروخت نہیں کی جائے گی۔
چین کی حکومت نے باضابطہ پابندی تو نہیں لگائی لیکن اپنی کمپنیوں کو مشورہ دیا ہے کہ وہ امریکی چپس کے بجائے مقامی مصنوعات، خصوصاً ہواوے کے تیار کردہ پراسیسرز استعمال کریں۔ تجزیہ کاروں کے مطابق اس کے باوجود امریکی چپس معیار اور کارکردگی کے باعث اپنی مارکیٹ برقرار رکھیں گے۔
امریکہ میں اس معاہدے پر قانونی اور سکیورٹی خدشات بھی اٹھائے جا رہے ہیں۔ کانگریس کے بعض ارکان نے خبردار کیا ہے کہ اس ڈیل سے یہ تاثر مل سکتا ہے کہ "قومی سلامتی کو خریدا یا بیچا جا سکتا ہے۔” ماہرین کا کہنا ہے کہ اگر برآمدات کی اجازت محض مالی ادائیگی کے بدلے دی جائے تو یہ مستقبل میں ایک خطرناک مثال بن سکتی ہے۔


مشہور خبریں۔
ٹرمپ کے نائب صدر کے مقبوضہ علاقوں کے دورے کا مقصد کیا تھا؟
?️ 23 اکتوبر 2025سچ خبریں: اس رپورٹ کے مطابق، جنگ میں واپسی کو روکنے کے لیے
اکتوبر
واشنگٹن جمہوریت سے بیگانہ ہے:چین
?️ 5 دسمبر 2021سچ خبریں:چین کی وزارت خارجہ نے ایک رپورٹ میں کہا ہے کہ
دسمبر
ہمارا صبر 60 دن سے پہلے بھی ختم ہو سکتا ہے:حزب اللہ
?️ 5 جنوری 2025سچ خبریں:حزب اللہ کے سیکریٹری جنرل شیخ نعیم قاسم نے شہید قاسم
جنوری
فلسطین کے لیے جنرل سلیمانی کی گراں قدر خدمات؛ماسکو یونیورسٹی کے پروفیسر کی زبانی
?️ 3 جنوری 2024سچ خبریں: ماسکو یونیورسٹی کے پروفیسر نے مزاحمت کے محور کو مضبوط
جنوری
صیہونی حکومت کی موجودگی خطے کے بدقسمتی ہے: امیر عبداللہیان
?️ 28 جون 2022سچ خبریں: اسلامی جمہوریہ ایران کے وزیر خارجہ حسین امیر عبداللہیان نے
جون
فلسطینیوں پر اسرائیل مظالم اور استکبار کی غلام اقوم متحدہ کی غداری
?️ 13 مئی 2021(سچ خبریں) ایک ایسے وقت میں جب دنیا بھر کے لاکھوں کروڑوں
مئی
بھارت کے ساتھ کشیدگی کے درمیان پاکستان کے فوجی بجٹ میں 20 فیصد اضافہ
?️ 11 جون 2025سچ خبریں: پاکستان کا آئندہ سال کا بجٹ بل ملکی پارلیمنٹ میں
جون
جب "ممدانی” کو ووٹ دیا گیا تو ٹرمپ کے لیے بہت بڑا نقصان تھا
?️ 6 نومبر 2025سچ خبریں: کچھ امریکی ریاستوں میں بلدیاتی انتخابات کے نتائج نے ٹرمپ
نومبر