واشنگٹن میں بن سلمان کا اہم دورہ سیکیورٹی ضمانتوں کی تلاش، اسرائیل سے تعلقات کی بحالی کا امکان کم

?️ 16 نومبر 2025

واشنگٹن میں بن سلمان کا اہم دورہ سیکیورٹی ضمانتوں کی تلاش، اسرائیل سے تعلقات کی بحالی کا امکان کم

لبنانی اخبار النهار کے مطابق، سعودی ولیعہد محمد بن سلمان پیر کے روز واشنگٹن پہنچیں گے، جہاں ان کا بنیادی مقصد امریکا سے مضبوط سیکیورٹی گارنٹی حاصل کرنا ہے۔ اس کے بدلے میں امریکی صدر ڈونالڈ ٹرمپ کی کوشش ہوگی کہ بن سلمان کو اسرائیل کے ساتھ تعلقات معمول پر لانے کے لیے آمادہ کریں۔

رپورٹ کے مطابق ریاض فی الحال اسرائیل کے ساتھ تعلقات کی بحالی پر راضی ہونے کے لیے تیار نہیں۔ اس کی دو بڑی وجوہات بتائی گئی ہیں:سعودی عرب امریکا سے زیادہ سخت اور واضح سیکیورٹی ضمانتیں چاہتا ہے، خصوصاً خطے میں بڑھتی غیر یقینی صورتحال کے پس منظر میں۔بن سلمان نے کھل کر یہ مؤقف اختیار کیا ہے کہ ایک آزاد فلسطینی ریاست کا قیام عادی سازی کے لیے بنیادی شرط ہے۔

اس تناظر میں اسرائیل کی جانب سے حالیہ مہینوں میں قطر پر کیے گئے حملوں نے بھی سعودی قیادت کو محتاط کر دیا ہے۔واشنگٹن میں قائم خلیجی ممالک کے ایک تھنک ٹینک سے وابستہ تجزیہ کار عزیز الغشیان نے لکھا کہ ولیعہد کے دورے کا ہدف تین نکات پر مشتمل ہے

رپورٹ میں مزید بتایا گیا ہے کہ سعودی عرب اس دورے میں امریکی دفاعی ٹیکنالوجی، خصوصاً جدید فضائی اور میزائل دفاعی نظام حاصل کرنے کی کوشش کرے گا۔ سب سے اہم نکتہ یہ ہے کہ ریاض ایف-35 جنگی طیاروں کی خریداری کی خواہش رکھتا ہے جو اس وقت پورے مشرق وسطیٰ میں صرف اسرائیل کے پاس موجود ہیں۔