نیٹو کی دھمکیوں نے روس کو یوکرین پر حملہ کرنے پر اکسایا: چین

?️ 30 مئی 2022

سچ خبریں:ایک چینی سفارت کار نے کہا کہ بیجنگ کے نقطہ نظر سے نیٹو کی مشرقی یورپ تک توسیع روس کے لیے خطرہ ہے جو یوکرین پر روسی حملے کا باعث بنا۔
اناطولیہ نیوز ایجنسی کی رپورٹ کے مطابق فرانس میں چین کے سفیر لو ژی نے کہا کہ مشرقی یورپ میں نیٹو کی توسیع یوکرین کے خلاف روس کے حملے کا باعث بنی، رپورٹ کے مطابق لو نے ایک یورپی ریڈیو سٹیشن کو انٹرویو دیتے ہوئے کہا کہ چینیوں کی نظر میں، اس جنگ کی وجہ مشرق میں نیٹو کی توسیع کے پانچ حلقے ہیں جو روس کے لیے سکیورٹی اور فوجی خطرہ ہے۔

چینی سفارت کار نے مغربی ممالک سے خطاب کرتے ہوئے کہا کہ آپ کسی ملک کی جوابی کارروائی یا دفاع پر پابندی لگا کر اس کی قومی سلامتی کو خطرے میں نہیں ڈال سکتے،انہوں نے مزید کہا کہ چین کی ماسکو کے ساتھ بہت مضبوط اسٹریٹجک شراکت داری ہے لیکن بیجنگ کا یوکرین کے معاملے پر ماسکو کے ساتھ کوئی اتحاد نہیں ہے، تاہم چین اور روس کے اقدامات امریکی اشتعال انگیزیوں کے جواب میں ہیں۔

انہوں نے امریکہ پر الزام لگایا کہ وہ روس چین کنٹینمنٹ کی حکمت عملی پر عمل پیرا ہے اس لیے کہ تائیوان کے معاملے پر امریکیوں نے کھلے عام کہا ہے کہ ان کا سٹریٹجک ہدف چین ہے، جس کے بعد ہم امریکی جنگ طلبی کے بارے میں بہت فکر مند ہیں۔