نیتن یاہو کو عدالتی محاکمے سے بچانے کی کوششیں، اتحادی قانون بدلنے کے درپے

نیتن یاہو کو عدالتی محاکمے سے بچانے کی کوششیں، اتحادی قانون بدلنے کے درپے

 اسرائیلی وزیراعظم بنیامین نیتن یاہو اس وقت متعدد محاذوں پر شدید فشار کا شکار ہیں۔ ان کے خلاف جاری بدعنوانی کے مقدمات، سات اکتوبر کی ناکامی کی تحقیقات کے لیے کمیٹی کے قیام کا مطالبہ، بجٹ منظوری کے مسائل، اتحادی جماعتوں کے اندر اختلافات اور قبل از وقت انتخابات کی بحث یہ تمام عوامل ان کی سیاسی موقعیت کو متزلزل کر رہے ہیں۔ اسی پس منظر میں نتانیاهو کے قریب سمجھے جانے والے سیاسی حلقے ایسے قانونی اقدامات کر رہے ہیں جن کا مقصد انہیں ممکنہ محاکمے سے محفوظ رکھنا ہے۔

عبرانی روزنامہ معاریو کے مطابق نیتن یاہو کے حامی اراکینِ کنست قانونی اختیارات میں ایسی تبدیلیاں لانے کی کوشش کر رہے ہیں جو ان کے خلاف جاری مقدمات کے عمل کو بنیادی طور پر متاثر کر سکیں۔ کنست کے رکن سِمخا روتمن ایک نئے بل کی پیروی کر رہے ہیں جس کے تحت اٹارنی جنرل جیسے اختیارات کو تقسیم کر کے انہیں مختلف عہدوں میں بانٹا جائے گا، تاکہ فیصلہ سازی ایک مرکز پر مرتکز نہ رہے۔

اگر یہ قانون منظور ہو جاتا ہے تو کابینہ کے لیے ایک نیا سرکاری وکیل اور ایک نیا قانونی مشیر مقرر کیا جائے گا۔ اس تبدیلی کا نتیجہ یہ ہوگا کہ نیتن یاہو کے خلاف بدعنوانی کے مقدمات ایسے افراد کے زیرِ نگرانی چلے جائیں گے جن کی نامزدگی میں خود وزیراعظم کا اثرورسوخ شامل ہو سکتا ہے۔

دوسری جانب، اسرائیلی فوج کی عسکری پراسیکیوٹر یَعفَت تومر یروشلیمی کے اس مقدمے نے بھی فضا کو مزید حساس بنا دیا ہے جس میں ایک ویڈیو کے انکشاف کے بعد فلسطینی قیدیوں پر تشدد کے معاملے کی تحقیقات سامنے آئی تھیں۔ اس پیشرفت کو موجودہ حکومتی اٹارنی جنرل گالی بہارا میارا کو برطرف کرنے کے لیے نئے دباؤ کے طور پر استعمال کیا جا رہا ہے، جبکہ میارا واضح کر چکی ہیں کہ وہ نتانیاهو کو قانونی رعایت دینے کے لیے تیار نہیں۔

تجزیہ کاروں کے مطابق اتحادیوں کی یہ کوششیں اس سمت میں تیز ہو رہی ہیں کہ نتانیاهو کے سیاسی بقا کے لیے عدالتی ڈھانچے میں نرم ماحول پیدا کیا جائے ایسا ماحول جو ان کے خلاف جاری مقدمات کی سمت کو بدل سکتا ہے۔