موسم الریاض جشن پر سعودی صارفین کی تنقید

?️ 24 اکتوبر 2022

سچ خبریں:سعودی عرب میں بے دینی کے فروغ کے خلاف آل سعود حکومت کے مخالف ایک سماجی کارکن اور کچھ سعودی سوشل میڈیا صارفین نے ایک بار پھر اس ملک میں منعقد ہونے والے ریاض سیزن نامی جشن کے موقع پر احتجاج کیا۔

سعودی سماجی کارکن صالح الغامدی نے ٹویٹر پر ایک ویڈیو شائع کی جس میں لبنانی خاتون گلوکارہ کی میزبانی کرنے پر سعودی حکام کو تنقید کا نشانہ بناتے ہوئے لکھا کہ سعودی شاہی دربار اس لبنانی گلوکار کے حرمین شریفین کی بے حرمتی کے خواب کو پورا کرنے کے لیے لاکھوں ڈالر خرچ کر رہا ہے۔

سعودی حکومت مخالف اس کارکن کی تنقید کے بعد کئی ٹویٹر صارفین نے صالح الغامدی کی ویڈیو شائع کی اور ان کے الفاظ کی حمایت میں اپنے موقف کا اعلان کیا، یاد رہے کہ اس سے قبل بھی متعدد سعودی سماجی کارکنوں نے مردوں اور عورتوں کی مشترکہ تقریبات میں ڈانس جیسے غیر روایتی اقدامات پر اپنے غصے کا اظہار کیا تھا اور ان تقریبات کو سعودی عرب میں تفریحی تنظیم کے عہدیداروں کے لیے ایک بڑا زوال تصور کیا تھا۔

واضح رہے کہ موسم الریاض ایک بین الاقوامی تفریحی میلہ ہے جو سعودی عرب کے دارالحکومت میں منعقد ہوتا ہے، یہ ویژن 2030 کے پروگراموں میں سے ایک ہے، آل سعود اس طرح کے پروگرام کرکے سعودی عرب کو عالمی سیاحتی مقام بنانے کی کوشش کر رہے ہیں۔

قابل ذکر ہے کہ موسوم الریاض فیسٹیول میں دنیا کے مختلف ممالک سے مشہور لوگوں کو بلایا جاتا ہے اور یہ سعودی عرب کے 15 علاقوں میں منعقد ہوتا ہے، یاد رہے کہ موسوم الریاض میلے میں ہر قسم کے غیر اسلامی اور حرام انجام دیے جاتے ہیں پھر بھی سعودی حکام اس کی بہت زیادہ تشہیر کرتے ہیں۔