نیتن یاہو کے خلاف مقبوضہ علاقوں میں زبردست احتجاجی مظاہرے 

مقبوضہ فلسطینی علاقوں میں گذشتہ روز صہیونی وزیراعظم بنجمن نتانیاہو کی کابینہ کے خلاف احتجاجی مظاہروں کی ایک نئی لہر دیکھنے میں آئی، جس کے تحت تل ابیب، مقبوضہ یروشلم، بئر السبع، حیفا اور دیگر علاقوں میں سینکڑوں صہیونیوں نے مظاہرے کیے۔

رپورٹس کے مطابق، احتجاج کرنے والے صہیونی جلد از جلد انتخابات کروانے اور آپریشن طوفان الاقصیٰ کے دوران صہیونی ریاست کی سیکیورٹی ناکامی کی رسمی تحقیقات کے لیے ایک کمیٹی تشکیل دینے کا مطالبہ کر رہے تھے۔

تل ابیب میں یہ احتجاج رابن اسکوائر سے شروع ہو کر حابیما اسکوائر تک پہنچا، جس میں تقریباً ایک ہزار صہیونیوں نے شرکت کی۔ موساد انٹیلیجنس سروس کے سابق سربراہ حاییم تامر نے نتانیاہو کی کابینہ پر شدید تنقید کرتے ہوئے کہا کہ صہیونی حکام کی پالیسیوں کی قیمت اپنی جانوں سے ادا کر رہے ہیں۔

انہوں نے ان اجتماعات میں صہیونی فوج کی طاقت میں کمی اور حزب اللہ کے خلاف جنگ کے طویل ہوتے جانے کے بارے میں خبردار کیا۔