ملائشییا میں موساد کا جاسوس نیٹ ورک تباہ

?️ 18 اکتوبر 2022

سچ خبریںملائشیا کے دارالحکومت کولالمپور میں صیہونی جاسوس تنظیم سے وابستہ ایک نیٹ ورک کو تباہ کر دیا گیا ہے۔

الجزیرہ چینل کی رپورٹ کے مطابق ملائیشیا کے میڈیا نے انکشاف کیا ہے کہ اس ملک کی سکیورٹی سروسز نے صہیونی جاسوسی سروس (موساد) سے وابستہ ایک جاسوسی نیٹ ورک کو تباہ کردیا ہے، یہ خبر ایک ایسے وقت میں سامنے آئی ہے جب ملائیشیا کے اخبارات نے اس ملک کے حکام کے حوالے سے خبر دی ہے کہ موساد نے فلسطینی کارکنوں کا سراغ لگانے کے لیے کم از کم 11 ملائیشین افراد کی ایک کور ٹیم کی خدمات حاصل کی ہیں۔

رپورٹ کے مطابق اور ملائیشین حکام کے بقول موساد سے وابستہ افراد نے 28 ستمبر کو غزہ سے تعلق رکھنے والے ایک فلسطینی انفارمیشن ٹیکنالوجی ماہر کو کوالالمپور کے وسط میں اغوا کیا اور دارالحکومت کے نواح میں ایک گاوں کے گھر میں لے گئے تاہم ملائیشیا کی انٹیلی جنس فورسز 24 گھنٹوں کے اندر اغوا کاروں کی شناخت کر کے انہیں گرفتار کرنے اور فلسطینی یرغمالی کو چھڑوانے میں کامیاب ہوگئیں تاکہ وہ آزادی کے چند دنوں کے بعد ملائیشیا سے غزہ کے لیے روانہ ہو سکے۔

الجزیرہ کے ساتھ بات چیت میں ملائیشیا کے باخبر ذرائع نے تصدیق کی کہ جو تحقیقات کی گئی ہیں ان میں موساد کی کور ٹیم کے ہوائی اڈوں سمیت ملک کے اہم مراکز کی جاسوسی اور اسی طرح سرکاری الیکٹرانک کمپنیوں میں دراندازی میں ملوث ہونے کی نشاندہی ہوتی ہے، مذکورہ ذرائع نے ملائیشیا میں موساد کے دیگر فعال سیلز کی موجودگی کے امکان کو مسترد نہیں کیا اور یہ بھی کہا کہ موساد نے فلسطینی کارکنوں کو اغوا کرنے کے لیے کارروائیاں کرنے کے لیے یورپی ممالک میں تربیت یافتہ ملائشین ایجنٹوں کو استعمال کیا۔