مغربی کنارے میں دو نوجوان فلسطینی شہید

?️ 1 ستمبر 2022

سچ خبریں:مغربی کنارے کے علاقوں البیرہ اور نابلس میں صیہونی فوج کی براہ راست فائرنگ کے نتیجے میں جمعرات کی صبح دو فلسطینی نوجوان شہید ہوگئے۔

رشیا ٹوڈے کی رپورٹ کے مطابق آج جمعرات کی علی الصبح مغربی کنارے کے علاقوں البیرہ اور نابلس میں صیہونی فوجیوں کی براہ راست فائرنگ کے نتیجے میں دو فلسطینی نوجوان شہید ہوگئے،رپورٹ کے مطابق نابلس کے بلاطہ کیمپ پر صیہونی فوج کے حملے کے دوران العین کیمپ کے مکینوں میں سے سامر خالد نامی فلسطینی نوجوان شہید ہوگیا۔

رپورٹ کے مطابق صیہونی فوجیوں کی فائرنگ کے وقت وہ اپنی ہی گاڑی میں موجود تھے، انہیں بلاطہ کیمپ کے سامنے نشانہ بنایا گیا اور شہید کر دیا گیا،اس کے علاوہ مغربی کنارے کے علاقے البیرہ میں واقع قلندیا کیمپ پر صہیونی فوج کے حملے میں یزن عفانہ نامی ایک فلسطینی نوجوان شہید ہوگیا۔

واضح رہے کہ صیہونی فوجیوں نے آج صبح بلاطہ کیمپ پر حملہ کیا جس کے بعد مزاحمتی فورسز اور صیہونی فوجیوں کے درمیان جھڑپیں ہوئیں،اس حملے کے دوران صیہونی جیل سے آزاد ہونے والے جاسر ابو حمادہ نامی ایک فلسطینی کو صیہونیوں نے دوبارہ گرفتار کر لیا نیز بلاطہ کیمپ پر حملے کے دوران صہیونی فوجیوں نے البیرہ شہر کے اس علاقے میں ایک تجارتی مرکز کو بھی آگ لگا دی جس کے نتیجہ میں بھاری مقدار میں مالی نقصان ہوا۔