مغربی ممالک کی روسی حملے کے بہانے یوکرائن کو ہتھیاروں کی فراہمی

?️ 13 فروری 2022

سچ خبریں:روس اور امریکہ کے صدور کے درمیان گزشتہ رات ہونے والی ٹیلیفونک گفتگو کے مواد کی وضاحت کرتے ہوئے ولادیمیر پیوٹن کے سیاسی مشیر نے کہاکہ مغربی ممالک یوکرائن میں فوجی ہتھیار اور مالی امداد پہنچا رہے ہیں اور دونوں ممالک کے درمیان کشیدگی کو ہوا دے رہے ہیں۔
روسی فیڈریشن اور ریاستہائے متحدہ کے صدور کے درمیان کل رات کی ٹیلی فون پر بات چیت ایک گھنٹہ سے کچھ زیادہ جاری رہی جو درحقیقت یہ یوکرائن کی صورتحال پر دونوں فریقوں کے درمیان ہونے والی پچھلی بات چیت کا تسلسل تھی، واضح رہے کہ ولادیمیر پیوٹن اورجو بائیڈن کے درمیان یہ بات چیت یوکرائن پر روسی حملے کے بارے میں مغربی ممالک کے منظم فریب کے تناظر میں اور امریکی فریق کی درخواست پر ہوئی اس لیے کہ اسی طرح کے مطالبات دوسرے مغربی ہم منصبوں نے بھی کیے تھے۔

وائٹ ہاؤس کے مطابق بات چیت کے دوران بائیڈن نے زور دیا کہ امریکہ یوکرائن کے حوالے سے کسی بھی منظر نامے کے لیے تیار ہے اور روس کے ساتھ سفارتی حل استعمال کرنے کے باوجود یوکرائن پر حملے کی صورت میں ماسکو کو ٹھوس نتائج کا سامنا کرنا پڑے گا۔

روس کی وزارت دفاع نے ہفتے کے روز کہا کہ اس ملک کے سکرٹری دفاع سرگئی شوئیگو نے پینٹاگون کے سربراہ لائیڈ آسٹن کے ساتھ ٹیلی فون پر بات چیت کی اور دونوں فریقوں نے باہمی دلچسپی کے سکیورٹی امور پر تبادلہ خیال کیا۔