خیبرپختونخوا حکومت آخری سانسیں لے رہی ہے؛ جے یو آئی کا گنڈاپور کے بیان پر ردعمل

?️ 13 جولائی 2025

اسلام آباد (سچ خبریں) جمعیت علمائے اسلام پاکستان کے ترجمان اسلم غوری نے علی امین گنڈا پور کے بیان پر ردعمل میں کہا ہے کہ خیبرپختونخوا کی نااہل اور نالائق حکومت آخری سانسیں لے رہی ہے۔

جمعیت علمائے اسلام پاکستان کے میڈیا سیل سے جاری بیان کے مطابق ترجمان اسلم غوری کا کہنا تھا کہ جب بھی کرپشن کی اور بدامنی کی بات کی جاتی ہے تو وزیراعلی کو تکلیف ہوتی ہے، گنڈا پور کی بداخلاقی بتا رہی ہے کہ اس کی حکومت کے دن پورے ہو گئے ہیں۔ ترجمان جے یو آئی نے کہا کہ پاکستان تحریک انصاف (پی ٹی آئی) علی امین گنڈا پورا کے منہ کو لگام دے،ہمیں ایسی باتوں کا جواب دینا آتا ہے

ذرائع کے مطابق اسلم غوری کا مزید کہنا تھا کہ علی امین گنڈا پور بتائے اٹک پر رکاوٹیں ڈالنے والے لاہور میں کیوں استقبال کر رہے ہیں، پی ٹی آئی اپنے میر جعفر اور میر صادق کو کنٹرول کرے۔