مشرقی شام میں امریکی اور ان کے اتحادی فوجیوں پر راکٹ حملہ

?️ 29 جون 2021

سچ خبریں:نیوز ذرائع نے بتایا کہ شام کے صوبہ دیر الزور کے مضافات میں امریکی فوجی اڈے پر راکٹ حملے میں متعدد امریکی اور ان کے اتحادی فوجی زخمی ہوگئے ہیں۔
شام میں المیادین چینل کے نمائندے نے اطلاع دی ہے کہ گذشتہ رات شام کے صوبہ دیر الزور میں امریکی فوجی اڈے پر راکٹ حملے میں واشنگٹن سے وابستہ متعدد فوجی اہلکار زخمی ہوئے، رپورٹ کے مطابق گذشتہ رات دیر الزور کے مضافات میں عمر آئل فیلڈ کے قریب واقع امریکی فوجی اڈے پر راکٹ حملے میں متعدد امریکی اور ان کے اتحادی افواج بھی زخمی ہوئے تھے۔

رپورٹ کے مطابق زخمیوں کو الحسکہ کے جنوب میں واقع ایک اسپتال لے جایا گیا، ذرائع نے امریکی اور بین الاقوامی اتحاد کے زخمی ہونے والے فوجیوں کی تعداد کے بارے میں بتائے بغیر کہا کہ متعد فوجی زخمی ہوئے ہیں۔

درایں اثنا شامی ذرائع نے اطلاع دی ہے کہ اس ملک کے صوبہ الحسکہ میں امریکی حمایت یافتہ قسد ملیشا کے ایک کمانڈر سمیت کم از کم سات ارکان زخمی ہوئے ہیں۔

واضح رہے کہ امریکہ نے داعش کا مقابلہ کرنے کے بہانے عراق کے شام کے متعدد علاقوں پر قبضہ کر رکھا ہے جبکہ ان ممالک کی حکومتیں اور عوام اس قبضہ کے شدید خلاف ہیں اور متعدد بار امریکہ کو فوجی انخلاکے بارے میں کہہ چکے ہیں تاہم امریکہ نے اب تک ان کی ایک نہیں سنی اور اس ممالک کے قدرتی ذخائر کو لوٹنے میں مصروف ہیں نیز یہاں کی عوامی تنطیموں کے خلاف آئے دن جارحانہ کاروائیاں کرتا رہتا ہے۔