متحدہ عرب امارات کے ستارے گردش میں ہیں: سینٹ کام کے سربراہ

?️ 9 فروری 2022

سچ خبریں:مغربی ایشیا میں امریکی دہشتگرد فوج کی مرکزی کمانڈ سینٹ کام کے سربراہ جنرل جنرل مکنیزی نے متحدہ عرب پر یمنی حملوں کو ذکر کرتے ہوئے کہا کہ اس عرب ریاست کے برے دن آن پہنچے ہیں۔
روئٹرز نیوز ایجنسی کی رپورٹ کے مطابق امریکی فوج کی دہشت گرد مرکزی کمان سینٹ کام کے سربراہ جنرل مکنیزی نے متحدہ عرب امارات کے دورے کے دوران صنعا کے حملوں کی بابت ایران پر الزامات عائد کرتے ہوئے کہا کہ متحدہ عرب امارات کے برےدن آ گئے ہیں۔

امریکا کے دہشت گرد کمانڈر متحدہ عرب امارات پر یمن کے حالیہ حملوں کے بارے میں ابوظہبی کے حکام سے گفتگو اور ملاقات کے لئے ابو ظہبی پہنچے ہیں، رپورٹ کے مطابق جنرل مکنیزی تحریک انصار اللہ کی جانب سے متحدہ عرب امارات پر کئے جانے والے کچھ میزائل حملوں کے بعد اتوار کو یو اے ای پہنچے تاکہ اس ملک کی دفاعی طاقت کو مضبوط کرنے کے لئے اس ملک کے اعلی حکام سے گفتگو کریں۔

الجزیرہ ویب سائٹ کے مطابق، انہوں اپنے خصوصی طیارے میں نامہ نگار سے بات کرتے ہوئے کہا کہ میں سمجھتا ہوں کہ متحدہ عرب امارات کا بڑا خراب وقت آ گیا ہے، انہیں حمایت کی ضرورت ہے، میں اس لئے یہاں آیا ہوں تاکہ ان کی حمایت کروں اور ان کی مدد کے لئے زمینہ ہموار کروں۔

امریکی فوج کی دہشت گرد مرکزی کمان سینٹ کام کے سربراہ جنرل مکنیزی نے کہا کہ ایف-22 جنگی طیاروں کو جو دنیا میں نگرانی کے بہترین ریڈار کے حامل ہیں، متحدہ عرب امارات کے حوالے کیا جائے گا جس کی مدد سے زمینی اور ڈرون حملوں سمیت کروز میزائل کے سارے خطروں کا پتہ لگایا جا سکتا ہے۔