سچ خبریں:یمنی ذرائع نے سعودی کٹھ پتلی حکومت سے وابستہ فورسز کے ساتھ یمنی فوج اور عوامی کمیٹیوں کی شدید جھڑپوں کی اطلاع دی ہے۔
رائے الیوم کی رپورٹ کے مطابق یمنی ذرائع نے اطلاع دی ہے کہ یمنی فوج اور عوامی کمیٹیوں کی سعودی کٹھ پتلی حکومت سے وابستہ فورسز کے ساتھ شدید لڑائی کی اطلاع دی ہے، فوجی ذرائع نے بتایا کہ یہ جھڑپیں چھ محاذوں پر ہو رہی ہیں اور یہ کہ انصار اللہ فورسز مأرب کے شمال مغرب میں کسارہ محاذپر پیش قدمی کرنے میں کامیاب رہیں جہاں جھڑپوں میں مستعفی یمنی حکومت کی فورسز کے 32 ارکان اور ان کے ساتھ مل کر لڑنے والے قبائل مارے گئے جبکہ درجنوں زخمی ہوئے۔
یادرہے کہ اس سے قبل صنعا کے فوجی ذرائع نے اطلاع دی تھی کہ یمنی فورسز اورعوامی کمیٹیوں نے الزور گاؤں کے پیچھے حملہ آور سعودی اتحاد سے وابستہ فورسز اور مستعفی یمنی حکومت کے خلاف بڑے پیمانے پر آپریشن اور جھڑپوں کے بعد علاقے کے الروضہ گاؤں کو آزاد کرالیا تا کہ وہ جبل البلق کے مرکزی پہاڑی علاقوں کے سات ساتھ مأرب ڈیم کے وسطی اور جنوب مشرقی ساحلوں تک پہنچ سکیں۔
رپورٹ کے مطابق یمن کی فوج اور عوامی کمیٹیاں الجبلیہ علاقہ کواپنے کنٹرول میں کرنے کے علاوہ حملہ آور سعودی افواج کو بھاری نقصان پہنچانے کے بعد گذشتہ دو دنوں میں شمال کی طرف سے مأرب ڈیم پر اپنا کنٹرول بڑھانے میں کامیاب رہی ہیں نیزیہ بھی رپورٹ ہے کہ گذشتہ چند گھنٹوں کے دوران سعودی اتحادیوں کے جنگجوؤں نے یمن کے مأرب صوبے میں واقع الکسارہ علاقے کو متعدد باراپنے وحشیانہ حملوں کا نشانہ بنایا ہے،تاہم ان کا یمنی فوج اور عوامی کمیٹیوں کے سامنے ٹکنا کافی مشکل لگ رہا ہے کیوں یمنی فوج کہہ چکی ہے کہ دشمن کچھ بھی کر لے ہم مأرب کو وطن میں آغوش میں واپس لا کر ہی دم لیں گے۔
