لندن کے ہیتھرو ہوائی اڈے کے ملازمین کی ہڑتال؛افراتفری، پروازیں منسوخ

?️ 1 اپریل 2023

سچ خبریں:لندن کے ہیتھرو ہوائی اڈے کی سیکورٹی گارڈ یونین اور مینیجرز کے درمیان معاہدہ نہ ہونے کے بعد اس ہوائی اڈے کے 1400 ملازمین کی 10 روزہ ہڑتال شروع ہو گی ہے۔

الجزیرہ نیوز چینل نے جمعے کی شام کو اپنی ایک رپورٹ میں کہا کہ لندن کے ہیتھرو ائرپورٹ سکیورٹی افسران کی یونین کی جانب سے تنخواہوں میں اضافے پر حکام سے اتفاق نہ ہونے اور کام کے حالات میں بہتری نہ ہونے پر احتجاج کے بعد، اس ائرپورٹ کے 1400ملازمین ہفتے سے 10 روزہ ہڑتال شروع کریں گے۔

رپورٹ کے مطابق یونائیٹڈ کے نام سے مشہور ٹریڈ یونین جو انگلینڈ میں دوسری بڑی ٹریڈ یونین کے طور پر جانی جاتی ہے، نے ایک بیان میں اعلان کیا ہے کہ ہیتھرو ہوائی اڈے کے پانچویں رن وے پر کام کرنے والے تقریباً 1400 ملازمین تنخواہوں میں اضافہ نہ ہونے پر آج سے دس روز تک ہڑتال پر جائیں گے۔

الجزیرہ کے مطابق اس دس روزہ ہڑتال میں مسافروں کے سامان چیک کرنے والے محکمے کے ملازمین بھی شامل ہو گئے ہیں،ہوائی اڈے کی سکیورٹی ورکرز یونین نے اعلان کیا کہ حکام کو یہ باور کرانے کی ان کی کوششیں کہ ان کے کام کے حالات اور تنخواہیں منصفانہ نہیں ہیں، کامیاب نہیں ہو سکیں جس کے بعد وہ ہڑتال کرنے پر مجبور ہوئے۔

واضح رہے کہ تمام تجزیے اس ہڑتال کے بعد لندن کے ہیتھرو ہوائی اڈے پر افراتفری کی طرف اشارہ کرتے ہیں، کیونکہ یہ ہڑتال کرسچن ایسٹر اور اسکول، یونیورسٹی اور دفتری تعطیلات نیز موسم بہار کے سفر کے عروج کے موقع پر ہو رہی ہے۔

یاد رہے کہ لندن کے ہیتھرو ہوائی اڈے پر ماضی کے احتجاجی اجتماعات کی یاد تازہ کرنے والی اس ہڑتال نے مسافروں میں خوف و ہراس کی لہر دوڑا دی ہے، خاص طور پر وہ مسافر جنہوں نے برطانوی ہوائی اڈوں کے مختلف شعبوں کے ملازمین کی ماضی کی ہڑتالوں کے باعث ہونے والی شدید افراتفری کا مشاہدہ کیا ہے۔