قرآن پاک کی بےحرمتی کے بارے میں برطانیہ کا بیان

?️ 22 جولائی 2023

سچ خبریں: سویڈن میں قرآن پاک کی بار بار بےحرمتی کے حوالے سے دنیا بھر کے مسلمانوں کے احتجاج میں شدت آنے کے بعد برطانوی وزارت خارجہ نے بیان جاری کرکے کلام اللہ مجید کی بے حرمتی کی مذمت کی ہے۔

برطانوی وزارت خارجہ نے سویڈن کے دارالحکومت اسٹاک ہوم میں دنیا بھر کے مسلمانوں کی مقدس کتاب پر حملے کی مذمت کی ہے،انگلینڈ کے دارالحکومت لندن سے میڈیا ذرائع نے اطلاع دی ہے کہ اس ملک کی وزارت خارجہ کے ترجمان میں سے ایک نے سویڈن میں اسلامی مقدس کتاب کی بار بار بے حرمتی پر ردعمل ظاہر کرتے ہوئے اس اقدام کی مذمت کی ہے۔

یہ بھی پڑھیں: قرآن پاک کی بے حرمتی کرنے پس پردہ عناصر

اناطولیہ خبررساں ایجنسی کے مطابق برطانوی وزارت خارجہ کے ترجمان نے اس بیان میں اعلان کیا ہے کہ اس ملک کی حکومت مسلمانوں کی مقدس کتاب قرآن پاک کو پھاڑنے اور جلانے کی مذمت کرتی ہے۔

برطانوی عہدیدار نے کہا کہ اس طرح کی کاروائیاں دنیا بھر کے مسلمانوں کی توہین ،جارحانہ اور مکمل طور پر نامناسب ہیں، ان کا کہنا تھا کہ برطانیہ مذہب یا عقیدے کے خلاف نفرت انگیزیوں کی مذمت کرتا ہے۔

برطانوی دفتر خارجہ کے ترجمان نے مزید کہا کہ ہم سب کے لیے مذہب یا عقیدے کی آزادی کا دفاع کریں گے کیونکہ ہم باہمی احترام کو فروغ دیتے ہیں لہذا ہم قرآن کو جلانے کے نتیجے میں پوری دنیا کے مسلمانوں کے گہرے دکھ کو سمجھتے ہیں۔

قابل ذکرہے کہ برطانوی وزارت خارجہ نے دعویٰ کیا ہے کہ وہ دنیا بھر کے مسلمانوں کے مصائب سے آگاہ ہے جبکہ مختلف اسلامی ممالک میں لندن کی نوآبادیاتی تاریخ اور 2003 میں وسیع پیمانے پر تباہی پھیلانے والے ہتھیاروں کی موجودگی کے بہانے عراق پر امریکی قبضے کی جنگ میں برطانیہ کی شرکت نے اسلامی ممالک کی رائے عامہ میں برطانیہ کے بارے میں انتہائی منفی تاثر پیدا کیا ہے۔

مزید پڑھیں: اسلام کے خلاف مغربی ثقافتی زوال

یاد رہے کہ گزشتہ دو ہفتوں کے دوران سویڈن کے دارالحکومت میں اس ملک کے حکام کی اجازت سے اور آزادی اظہار رائے کے بہانے عراقی نژاد ایک سویڈن شخص نے قرآن پاک کی توہین کی ہے،ایک ایسا عمل جواسلامی ممالک کے حکام اور عوام کی جانب سے شدید احتجاجی ردعمل کا باعث بنا ہے۔