فلسطینی شہداء کے جسموں پر شدید تشدد کے نشانات 

سچ خبریں: ہیومن رائٹس واچ نے ایک بیان جاری کرتے ہوئے فوری طور پر بین الاقوامی تحقیقات کا مطالبہ کیا ہے۔ اس کا کہنا ہے کہ فلسطینی شہیدوں کی لاشوں پر نظر آنے والے تشدد کے شدید آثار کے حوالے سے فوری بین الاقوامی تحقیقات کا آغاز کیا جانا چاہیے۔

اس بین الاقوامی ادارے نے زور دیا کہ صیونیستی حکومت نے 120 فلسطینی شہیدوں کی لاشیں واپس کی ہیں، جن پر شدید تشدد اور فیلڈ ایکزیکشن کے واضح آثار دیکھے جا سکتے ہیں۔

ادارے نے واضح کیا کہ لاشوں کے گردنوں پر رسی کے نشانات اور قریب سے چلائی گئی گولیوں کے نشان بالکل واضح ہیں۔ نیز، ان کے ہاتھ اور پیر تاروں سے باندھے گئے تھے اور ان میں سے کئی لاشیں ٹینکوں کے نیچے پھینکی گئی تھیں۔ ان کی ہڈیاں ٹوٹی ہوئی ہیں اور جسم پر شدید جلنے کے نشانات ہیں۔ یہ افراد قدرتی موت مرنے والے نہیں ہیں بلکہ انہیں شہید کیا گیا ہے۔ واپس کی گئی 120 لاشوں میں سے صرف چھ کی شناخت ہو سکی ہے۔