فرانس کا ریکارڈ توڑ فوجی بجٹ

?️ 14 جولائی 2023

سچ خبریں: فرانسیسی پارلیمنٹ نے ایک بل کی منظوری دے کر اس ملک کے فوجی اخراجات میں نمایاں اضافہ کر دیا۔

اسپوٹنک نیوز ایجنسی کی رپورٹ کے مطابق فرانسیسی پارلیمنٹ کی جانب سے جمعرات کو منظور کیے گئے بل کے مطابق اس ملک کے فوجی اخراجات 413 بلین یورو (460 بلین ڈالر) کے ریکارڈ توڑ اعداد و شمار تک بڑھ جائیں گے۔

یہ بھی پڑھیں:مالی میں فرانسیسی فوج کی غیرقانونی موجودگی کے خلاف شدید مظاہرے کیئے گئے

یاد رہے کہ یہ قانون 2024 سے 2030 کے درمیان لاگو ہوگا، فرانسیسی سینیٹ نے اس بل کو زیادہ سے زیادہ حمایت کے ساتھ منظور کیا (حق میں 313 اور مخالفت میں 17 ووٹ)۔

مزید پڑھیں: پیرس نے یوکرین کو مسلح کرکے خود کو غیر مسلح کیا: فرانسیسی جنرل

فرانس کی قومی اسمبلی جو اس ملک کا ایوان زیریں ہے، نے بھی گزشتہ روز اس بل کی منظوری دے دی تھی۔

یاد رہے کہ جہاں ایک طرف فرانسیسی حکام فوج کے بجٹ میں غیر معمولی اضافہ کر رہے ہیں وہی اس ملک کے عوام متعدد مشکلات کا شکار ہیں جن کے باعث آئے دن اس ملک کی سڑکوں کو عوامی مظاہرے دیکھنے کو ملتے ہیں جنہیں پولیس تشدد کے ذریعہ دباتی ہے، دوسری طرف مبصرین کا کہنا ہے فرانس نے اپنا فوجی ساز وسامان یوکرین جو بھیج کر اس ملک کے فوجی گودام خالی کر دیے ہیں۔