غزہ کے خلاف صیہونی وحشی پن

?️ 12 اکتوبر 2023

سچ خبریں: غزہ کے خلاف صیہونی حکومت کے فضائی حملوں اور طوفان الاقصی کے دوران صیہونیوں کی ہلاکتوں میں اضافہ ہو رہا ہے۔

جہاں اسرائیلی فوج غزہ کی پٹی کے مختلف علاقوں بالخصوص رہائشی مکانات اور مصروف محلوں کے خلاف اپنے فضائی حملے جاری رکھے ہوئے ہے، وہیں فلسطینی مزاحمتی قوتوں نے بھی اپنے دفاع میں تل ابیب کو میزائل حملوں کا نشانہ بنایا۔

یہ بھی پڑھیں: غزہ کے خلاف اسرائیل کے جرائم

اسرائیلی فوج نے آج جمعرات کی صبح سے غزہ کی پٹی کے خلاف حملوں کا ایک نیا دور شروع کر دیا ہے، ان حملوں میں غزہ میں واقع الشاطئ کیمپ کو نشانہ بنایا گیا نیز صیہونی جنگی جہازوں نے دیر البلح میں رہائشی مکانات پر بھی بمباری کی۔

المیادین چینل کے رپورٹر نے اطلاع دی ہے کہ صیہونی بمباری سے تباہ شدہ مکانات کے نیچے لاشوں کی موجودگی کی وجہ سے فلسطینی شہداء کی تعداد میں اضافہ کا امکان ہے۔

اس رپورٹ کے مطابق صیہونی جنگی طیارےغزہ کی پٹی میں ہر چیز کو نشانہ بناتے ہیں،اسرائیلی جنگی طیاروں نے غزہ کی پٹی کے شمال مغربی علاقوں پر بھی بمباری کی جبکہ صیہونی جنگی کشتیاں بھی ابوحصیرہ کے علاقے پر حملے کر رہی ہیں۔

مزید پڑھیں: غزہ میں طبی وسائل کی صورتحال کیا ہے؟

المیادین چینل کے صحافی نے اس بات پر زور دیا کہ غزہ کی پٹی میں انسانی صورتحال انتہائی خوفناک ہے،دوسری جانب ریڈ کراس کی بین الاقوامی کمیٹی نے اعلان کیا ہے کہ وہ قیدیوں کے معاملے کے حوالے سے اسرائیلی اور فلسطینی دونوں فریقوں سے رابطے میں ہے۔