غزہ کے خلاف صیہونی حکومت کے وحشیانہ حملوں کا سلسلہ جاری

?️ 23 مارچ 2024

سچ خبریں: غزہ کی پٹی کے رہائشی علاقوں کے خلاف صہیونی فوج کے حملے گزشتہ دنوں کی طرح جاری ہیں۔

الجزیرہ کے رپورٹر نے رپورٹ دی ہے کہ صیہونی جنگی طیاروں نے آج صبح خان یونس کے جنوب میں النصر محلے میں ایک رہائشی مکان پر بمباری کی۔

میڈیا رپورٹس کے مطابق صیہونی حکومت کے اس وحشیانہ حملے میں کم از کم آٹھ افراد شہید اور متعدد زخمی ہوئے ہیں۔

یہ بھی پڑھیں: غزہ کے شفا ہسپتال پر حملہ تل ابیب کے لیے ایک نئی شکست کی علامت

دوسری جانب غزہ کی پٹی کی حکومت کے دفتر اطلاعات نے ایک بیان جاری کرکے اعلان کیا ہے کہ صہیونی فوج غزہ کی پٹی میں جان بوجھ کر شہریوں کا قتل عام کررہی ہے۔

اس بیان میں تاکید کی گئی ہے کہ ہم نے غزہ کی پٹی میں صیہونی جنگی طیاروں کے ہاتھوں کم از کم چار فلسطینی نوجوانوں کو نشانہ بناتے ہوئے دیکھا ہے اور ہم اس جرم کی شدید مذمت کرتے ہیں۔

بیان میں آیا ہے کہ امریکی حکومت اور عالمی برادری اس جرم کی پوری طرح ذمہ دار ہے۔

گزشتہ روز غزہ کی پٹی میں فلسطینی وزارت صحت نے گزشتہ سال 7 اکتوبر سے اس پٹی پر صیہونی حکومت کے حملوں میں شہید اور زخمی ہونے والوں کے تازہ ترین اعدادوشمار کا اعلان کیا۔

غزہ کی پٹی میں فلسطینی وزارت صحت نے بتایا ہے کہ اس پٹی پر صیہونی حکومت کے حملوں میں شہید ہونے والوں کی کل تعداد 31 ہزار 988 تک پہنچ گئی ہے۔

مزید پڑھیں: اسرائیل کا غزہ میں فلسطینیوں کو اجتماعی سزا دینے کا کوئی جواز نہیں:اقوام متحدہ

اس فلسطینی طبی تنظیم کے اعلان کے مطابق گذشتہ سال 7 اکتوبر سے غزہ کی پٹی پر اسرائیلی فوج کے حملوں کے نتیجے میں 74 ہزار 188 افراد زخمی ہو چکے ہیں۔