غزہ کی پٹی میں غذائی قلت تیزی سے بڑھ رہی ہے:عالمی ادارہ خوراک کا انتباہ

غزہ کی پٹی میں غذائی قلت تیزی سے بڑھ رہی ہے:عالمی ادارہ خوراک کا انتباہ

عالمی ادارہ برائے خوراک (WFP) نے خبردار کیا ہے کہ غزہ کی پٹی میں غذائی قلت تیزی سے بڑھ رہی ہے اور یہ فلسطینی عوام کے لیے ایک خاموش قاتل ثابت ہو رہی ہے۔

الجزیرہ کے مطابق ادارے نے اپنے بیان میں کہا ہے کہ غزہ کے خاندان صرف بھوک کا سامنا نہیں کر رہے بلکہ قحط جیسی صورتحال میں مبتلا ہیں۔

دنیا کا سب سے بڑا انسانی ہمدردی پر مبنی ادارہ، جو غذائی تحفظ اور بھوک کے خاتمے کے لیے کام کرتا ہے، نے واضح کیا کہ غزہ میں غذائی قلت اب ہنگامی سطح سے بھی آگے نکل چکی ہے اور اس کے کارکنوں کو امداد فراہم کرنے کے لیے محفوظ راستوں کی ضرورت ہے۔

یہ انتباہ ایسے وقت میں سامنے آیا ہے جب غزہ کی وزارتِ صحت نے اپنے تازہ اعداد و شمار میں بتایا ہے کہ بھوک اور قحط کے باعث شہید ہونے والوں کی تعداد 269 تک پہنچ گئی ہے، جن میں 112 بچے بھی شامل ہیں۔