غزہ کی حمایت پر کوریائی فٹبالر سون ہیونگ مین پر صہیونی میڈیا کا شدید حملہ

غزہ کی حمایت پر کوریائی فٹبالر سون ہیونگ مین پر صہیونی میڈیا کا شدید حملہ

صہیونی میڈیا نے جنوبی کوریا کے معروف فٹبالر اور انگلش کلب ٹاٹنهام کے کپتان سون ہیونگ مین پر غزہ کے مظلوم عوام کی حمایت کے باعث شدید حملے شروع کر دیے ہیں۔

ذرائع کے مطابق  سون ہیونگ مین نے حالیہ دنوں ایک ویڈیو کے ذریعے عالمی ادارہ خوراک (WFP) کے ساتھ مل کر فلسطینی عوام، خصوصاً غزہ کے باشندوں کے لیے امداد کی اپیل کی تھی۔ اس ویڈیو میں انہوں نے اسرائیلی محاصرے کا ذکر کرتے ہوئے غزہ کے عوام کے لیے خوراک اور انسانی امداد کی فراہمی پر زور دیا۔

اس انسان دوست اقدام کے بعد، اسرائیلی میڈیا اور صہیونی حامی گروہوں نے اُن پر تنقید کی مہم شروع کر دی ہے اور اُنہیں "یہود دشمن” قرار دینے کی کوشش کی ہے۔

صہیونی حلقے اکثر اوقات  یہود دشمنی کا الزام ان افراد پر لگاتے ہیں جو اسرائیل کی پالیسیوں یا فلسطینی عوام کے خلاف مظالم پر تنقید کرتے ہیں، تاکہ اپنی غیر انسانی کارروائیوں، جیسے کہ غزہ میں جاری محاصرہ، بمباری اور قتل عام پر پردہ ڈال سکیں۔

سون ہیونگ مین، جو دنیا بھر میں فٹبال کے شائقین میں مقبول ہیں، نے اب تک ان الزامات پر کوئی ردعمل نہیں دیا، تاہم ان کی انسانیت پر مبنی اپیل کو بین الاقوامی سطح پر سراہا جا رہا ہے۔