غزہ کی جنگ میں دشمن کا واحد ہتھیارشیر خواروں کا قتل

?️ 12 نومبر 2023

سچ خبریں:تحریک حماس کی عسکری شاخ القسام بریگیڈز کے ترجمان ابو عبیدہ نے اعلان کیا کہ صیہونی قوتوں کو مزاحمت کی شدید جھڑپوں نے پسپائی اختیار کرنے اور اپنا رخ تبدیل کرنے پر مجبور کردیا۔

انہوں نے اس بات کی طرف اشارہ کرتے ہوئے کہ مزاحمتی قوتیں صیہونی ٹینکوں اور بکٹر بند گاڑیوں کو تباہ کر رہی ہیں، کہا کہ یہ تنازعہ غیر مساوی ہے لیکن اس نے خطے کی سب سے طاقتور قوت کو خوف زدہ کر دیا ہے۔

اسرائیلی فوج نے ہفتے کی شام اعلان کیا ہے کہ اس نے غزہ میں آج کی جھڑپوں کے دوران مزید 5 فوجیوں کو کھو دیا ہے۔

اسرائیلی ذرائع نے تسلیم کیا کہ ہلاک ہونے والے فوجیوں میں سے 4 کمانڈوز اور پیرا ٹروپرز تھے جو سرنگ کے دھماکے سے ہلاک ہوئے، اور ایک افسر اور 4 فوجی شدید زخمی ہوئے۔

القسام کے ترجمان نے یہ بیان کرتے ہوئے کہ بچوں کا قتل اور اسپتالوں پر بمباری اس جنگ میں دشمن کی واحد کامیابی ہے اور واضح کیا: فوری اور آسان انتقام صرف داخلی محاذ کی تسلی حاصل کرنا ہے۔

انہوں نے اس جنگ میں 160 سے زائد صیہونی فوجی گاڑیوں کی تباہی کی ریکارڈنگ کا حوالہ دیتے ہوئے اس بات پر زور دیا کہ ہماری مزاحمتی قوتوں کی قربانی فتح کا پیش خیمہ ہے۔