غزہ کو روزانہ کتنی امداد کی ضرورت ہے؛ورلڈ فوڈ پروگرام کا اعلان

?️ 29 اکتوبر 2023

سچ خبریں: اقوام متحدہ کے ورلڈ فوڈ پروگرام نے اعلان کیا ہے کہ غزہ میں روزانہ انسانی امداد کے 40 ٹرک آنا چاہیے۔

اناطولیہ خبر رساں ایجنسی کی رپورٹ کے مطابق اقوام متحدہ کے ورلڈ فوڈ پروگرام نے ایک بیان میں اس بات پر زور دیا ہے کہ انسانی امداد کے 40 ٹرک روزانہ غزہ میں داخل ہوں تاکہ اس کی انسانی بنیادوں پر کی جانے والی کاروائیوں کا دائرہ وسیع کیا جا سکے۔

یہ بھی پڑھیں: غزہ کے شہریوں کی مدد کی خواہاں پاکستانی این جی اوز ’ویزے مسترد‘ کیے جانے سے پریشان

اس بیان میں کہا گیا ہے کہ اگلے 2 ماہ میں غزہ کی پٹی کے 1.1 ملین لوگوں کو غذائی امداد فراہم کرنے کے لیے ہر روز انسانی امداد کے 40 ٹرک اس علاقے میں داخل ہونے چاہئیں۔

بیان کے مطابق غزہ کے لوگوں کو اپنی وسیع ضروریات کو پورا کرنے کے لیے مسلسل امداد کی ضرورت ہے اور ایندھن کی ضرورت نہ صرف بیکریوں کے لیے بلکہ متعلقہ مقامات کے لیے بھی ہے۔

گذشتہ رات غزہ کی پٹی نے صیہونی حکومت کے انتہائی وحشیانہ اور دیوانہ وار فضائی، توپ خانے اور بحری حملوں کا مشاہدہ کیا جبکہ تل ابیب نے ہمیشہ کی طرح ان حملوں میں سفید فاسفورس والے بموں کا استعمال کیا۔

صیہونی ذرائع نے چند گھنٹے پہلے اعتراف کیا کہ لبنان سے ایک ٹینک شکن میزائل مغربی الجلیل کے علاقے زرعیت میں صیہونی حکومت کی فوج کے ٹھکانوں پر داغا گیا ۔

مزید پڑھیں: غزہ پر موت کا سایہ

ساتھ ہی ان ذرائع نے دعویٰ کیا کہ صہیونی فوج نے مزاحمتی حملوں کا جواب دیا، عبرانی زبان کے میڈیا نے اعلان کیا کہ جب زرعیت کے علاقے میں کئی راکٹ گرے تو مغربی الجلیل میں انتباہی سائرن بجنے لگا ۔