غزہ پٹی کی سرحد پر جھڑپیں ؛1 صیہونی فوجی زخمی

?️ 29 دسمبر 2021

سچ خبریں:عبرانی زبان کے ذرائع نے اطلاع دی ہے کہ غزہ کی پٹی کے اندر سے سرحدی لائن پر موجوداسرائیلی فوج کے ایک اڈے پر گولیاں چلائی گئیں۔
عبرانی زبان کے ذرائع نے آج دوپہر (بدھ) کو غزہ کی پٹی کے شمالی سرحدی علاقوں میں ایک سکیورٹی واقعے کی اطلاع دی، صہیونی چینل کان نے خبر دی ہے کہ ایک فلسطینی نے غزہ کی پٹی کے اندر سےاس پٹی کے شمال میں واقع صیہونی فوجی اڈے کی طرف فائرنگ کی جس کے نتیجے میں ایک اسرائیلی فوجی زخمی ہو گیا۔

رپورٹ کے مطابق فوجی غزہ کی سرحدی باڑ کے قریب تھا اور اسے گولی مار دی گئی،تاہم اسرائیلی فوج نے ایک بیان میں دعویٰ کیا ہے کہ فائرنگ سے ایک قصبہ کا باشندہ زخمی ہوا ہے،عبرانی زبان کے ذرائع کے مطابق ایک فلسطینی سنائپر نے غزہ کی پٹی کے قریب صہیونیوں کے ایک گروپ پر گولی چلا کر انہیں حیران کر دیا، اسی دوران شہاب نیوز ویب سائٹ نے اطلاع دی کہ اسرائیلی توپ خانے نے جنوب مشرقی غزہ شہر میں ایک چوکی کو نشانہ بنایا ہے۔

قابل ذکر ہے حالیہ دنوں میں جہاں صیہونیوں کی جانب سے فلسطینیوں پر کیے جانے والے مظالم میں تیزی آئی ہے وہیں فلسطینیوں نے بھی صیہونی جارحیت کا ڈٹ کر مقابلہ کیا ہے جس میں حال ہی میں کیے جانے والی شہادت طلبانہ کاروائیوں کو دیکھا جا سکتا ہے۔