غزہ سیز فائر معاہدے کا دوسرا مرحلہ شروع ہونا چاہئے: مصر

?️ 28 اکتوبر 2025

سچ خبریں: مصری وزیر خارجہ بدر عبدالعاطی نے فرانس، یونان، سعودی عرب اور اردن کے اپنے ہم مقام وزرا سے الگ الگ ٹیلی فونک رابطوں میں غزہ میں جنگ بندی کے معاہدے کے دوسرے مرحلے پر عملدرآمد کی رفتار تیز کرنے نیز تعمیر نو کے عمل کا آغاز کرنے پر زور دیا ہے۔

انہوں نے اس بات پر زور دیا کہ غزہ کی بین الاقوامی تعمیر نو کانفرنس، عرب اور اسلامی ممالک کے جامع منصوبے کے تحت، فلسطینی عوام کی حمایت اور تباہ شدہ علاقوں کی تعمیر نو کے لیے عالمی کوششوں میں ہم آہنگی پیدا کرنے کی جانب ایک اہم قدم ہے۔

قابل ذکر بات یہ ہے کہ حماس کی جانب سے اس معاہدے کی شرائط پر عمل پیرا ہونے کے باوجود، صہیونی ریاست غزہ پٹی کے مختلف علاقوں پر اپنے حملے جاری رکھے ہوئے ہے۔