عراق کی شامی صدر کو باضابطہ طور پر بغداد میں علاقائی کانفرنس میں شرکت کی دعوت

?️ 16 اگست 2021

سچ خبریں:عربی زبان کے ایک چینل نے اطلاع دی ہے کہ عراقی عوامی تنظیم الحشد الشعبی کے سربراہ فالح الفیاض نے شام کے صدر سے ملاقات کے دوران انہیں بغداد میں منعقد ہونے والی علاقائی کانفرنس میں شرکت کے لیے باضابطہ طور پر مدعو کیا۔
المیادین چینل کی رپورٹ کے مطابق شام کا سفر کرنے والے الحشد الشعبی کے سربراہ فالح الفیاض نے شام کے صدر بشار الاسد سے ملاقات کی، رپورٹ کے مطابق دونوں فریقوں نے خطے کی تازہ ترین صورتحال ، خاص طور پر شام اور عراق میں سکیورٹی کی صورتحال پر تبادلہ خیال کیا۔

المیادین نے کہا کہ فیاض نے ملاقات کے دوران باضابطہ طور پر اسد کو بغداد علاقائی کانفرنس میں شرکت کی دعوت دی ، اس سے قبل کچھ ذرائع نے بتایا کہ عراقی حکومت نے اسد کو بغداد علاقائی کانفرنس میں شرکت کے لیے کوئی سرکاری دعوت نہیں بھیجی ،تاہم دوسری خبروں میں عراقی وزیراعظم نے متحدہ عرب امارات کو کانفرنس میں شرکت کی دعوت دی۔

اس سلسلے میں عراقی وزیر خزانہ نے ابوظہبی کے سفر کے دوران عراقی عہدیداروں کی جانب سے باضابطہ دعوت نامہ ابوظہبی کے ولی عہد شہزادہ شیخ محمد بن زائد آل نہیان کے حوالے کیا۔

واضح رہے کہ عراق اور شام کے ہمیشہ سے دوستانہ تعلقات رہے ہیں اور دونوں ممالک نے پر مشکل میں ایک دوسرے کا ساتھ دیا ہے جیسا کہ داعش کا مقابلہ کرنے میں دونوں ممالک ایک دوسرے کے شانہ بشانہ رہے ہیں اگر چہ امریکہ نے دونوں کے درمیان اختلاف ڈالنے کی بہت کوشش کی لیکن وہ کامیاب نہیں ہوسکا۔