عراق پر دہشت گردوں پھانسی پر روک لگانے کے لئے بین الاقوامی دباؤ

?️ 6 فروری 2021

سچ خبریں:عراق کے سائرون پارلیمانی اتحادکے سربراہ نے عراق میں غیر ملکی دہشت گرد عناصر کی پھانسی کو روکنے کے لئے بین الاقوامی کوششوں کا انکشاف کیا۔
المعلومہ نیوز ایجنسی کی رپورٹ کے مطابق عراقی پارلیمنٹ میں سائرون اتحاد کے سربراہ بدر الزیادی نے انکشاف کیا ہے کہ غیر ملکی دہشت گرد عناصر کی پھانسی پر عمل درآمد نہ کرنےکے لئےہمیں بین الاقوامی دباؤ کا سامنا، انہوں نے مزید کہا کہ ان دہشت گرد عناصر میں سے زیادہ تر جن کے ہاتھ عراقی عوام کے خون سے رنگے ہوئے ہیں ، وہ تمام خلیج فارس اور دیگر ممالک کی سرحد سے متصل کئی ممالک کے شہری ہیں، الزیادی نے کہا کہ عراقی صدر برہم صالح کو جلد سے جلد موت کی متعلقہ سزاؤں کی منظوری دینی چاہئے۔

انہوں نے زور دے کر کہا کہ غیر ملکی دہشت گردوں کی پھانسی کی تصدیق میں تاخیر سے دہشت گرد گروہوں کی عراقی عوام کے خلاف اپنے اہداف کی انجام دہی کے سلسلہ میں حوصلہ افزائی ہوگی ،یادرہے کہ گذشتہ روز عراقی قانونی ماہر حبیب القریشی نے بھی کہا تھا کہ عراق پر دہشت گرد عناصر کی پھانسی معطل کرنے کے لئے بین الاقوامی دباؤ ہے، انہوں نے مزید کہاکہ دہشت گرد عناصر کی پھانسی کے لئے خصوصی احکامات کے اجراء کو روکنا آئین کی شقوں کے منافی ہے۔

واضح رہے کہ انھیں ممالک کی طرف سے دہشت گردوں کو ان کے کیفر کردار تک پہنچانے سے روکنے کے لیے عراق پر دباؤ ڈالاجارہا ہے جنہوں نے ان دہشتگردوں کی سرپرستی کی ہے اور اب بھی انھیں ان کی ضروت ہے جبکہ وہ اس بات کو نظر انداز کررہے ہیں کہ ان درندوں نے اسلام دشمن طاقتوں کے اشاروں پر کتنے بے گناہ لوگوں کو خون بہایا ہے ،کتنے بچے یتیم کیے ہیں،دہشتگردوں کے سہلوت کاروں کو یہ کبھی نظر نہیں آئے گا۔