عراق میں امریکی سفیر یا جاسوس

?️ 17 جون 2023

سچ خبریں:عراقی سیاسی تجزیہ کار نے واشنگٹن کے منصوبوں کو عملی جامہ پہنانے کے لیے بغداد میں امریکی سفیر کی ملک کے سیاسی اور سیکورٹی رہنماؤں کے ساتھ ملاقاتوں اور اقدامات کے خلاف خبردار کیا۔

المعلومہ نیوز ایجنسی کی رپورٹ کے مطابق عراقی سیاسی تجزیہ نگار قاسم التمیمی نے امریکہ کے ان منصوبوں کے خلاف خبردار کیا جن پر بغداد میں اس ملک کی سفیر ایلینا رومانوسکی کے ذریعے عمل درآمد کیا جاتا ہے۔

مزید پڑھیں:عراقی پارلیمنٹ میں امریکی سفیر کو ملک بدر کرنے کی تحریک

انہوں نے مزید کہا کہ ہم عراق کے سکیورٹی کمانڈروں اور سیاسی رہنماؤں کے ساتھ امریکی سفیر کی ملاقاتوں کا مشاہدہ کر رہے ہیں، یہ ملاقاتیں ملک کے سیاسی عمل پر امریکی دباؤ کو ظاہر کرتی ہیں۔

التمیمی نے کہا کہ امریکی سفیر عوامی طاقت کے استعمال کے بغیر حکومتی نظام کو تبدیل کرنے کی کوشش کر رہا ہے، ان کا کہنا تھا کہ رومانوسکی کے اقدامات سے ظاہر ہوتا ہے کہ واشنگٹن عراق میں سیاسی عمل سے مطمئن نہیں ہے اور اس عمل کا رخ اپنے حق میں بدلنے کی کوشش کر رہا ہے۔

مزید:امریکی سفیر عراقی استقامتی رہنماؤں کو قتل کرنے کے درپے: صابرین نیوز

انہوں نے مزید کہا کہ ہم نے بجٹ کی منظوری اور مسعود بارزانی کی طرف سے سخت بیان جاری کرنے سے پہلے امریکی سفیر کی کرد جماعتوں کے ساتھ ملاقات کا مشاہدہ کیا، یہ تمام نشانیاں آنے والے دنوں میں غیر متوقع واقعات کی نشاندہی کرتی ہیں۔

یاد رہے کہ عراقی پارلیمنٹ کے سابق رکن فاضل الفتلاوی نے بھی کہا کہ اس ملک کی وزارت خارجہ کو بغداد میں امریکی سفارت خانے کے اقدامات پر ردعمل ظاہر کرنا چاہیے۔

عراق میں امریکی سفیر کے اقدامات کے بارے میں انہوں نے واضح کیا کہ اگر امریکی سفارت خانہ وقتاً فوقتاً عراق کی خودمختاری کی خلاف ورزی کرتا ہے تو اس ملک کی سفیر روزانہ کی بنیاد پر عراقی قوم کی تمام تقریبات اور سرگرمیوں میں شرکت کرکے اس خود مختاری کی خلاف ورزی کرتی ہیں۔