عالمی یوم قدس میں بھرپور شرکت کی اپیل کرتا ہوں:سید حسن نصر اللہ

?️ 8 اپریل 2023

سچ خبریں:حزب اللہ کے سکریٹری جنرل نے اپنے خطاب میں یوم قدس کی اہمیت کا ذکر کرتے ہوئے اس دن میں عوام کی وسیع پیمانے پر شرکت پر زور دیا۔

لبنان کی حزب اللہ کے سکریٹری جنرل سید حسن نصر اللہ نے اپنے خطاب میں یوم القدس کی اہمیت کی طرف اشارہ کرتے ہوئے اس دن کے اجتماع میں عوام سے بھرپور شرکت کی اپیل کی،لبنان کی حزب اللہ کے سکریٹری جنرل نے اپنے خطاب میں یوم القدس کی اہمیت کی طرف اشارہ کرتے ہوئے کہا کہ میں عالمی یوم القدس کو قابضین کے مقابلہ میں فلسطینی عوام کا بیت المقدس اور مسجد اقصیٰ کے دفاع کا ایک حصہ سمجھتا ہوں اور اس دن کی یاد میں بھرپور شرکت کی درخواست کرتا ہوں۔

سید حسن نصر اللہ نے سوشل میڈیا میں کچھ صارفین کے رویے اور کارکردگی پر تنقید کرتے ہوئے کہا کہ بعض لبنانی سوشل میڈیا پر ایک دوسرے پر سخت اور پرتشدد انداز میں حملہ کرتے ہیں نیز مذہبی مسائل سے متعلق تمام سرخ لکیروں کی خلاف ورزی کرتے ہیں جو نہات افسوسناک ہے، یہ ایک غلطی ہے جسیے دہرایا نہیں جانا چاہیے۔

سید حسن نصر اللہ نے مزید کہا کہ لوگ ایک ساتھ رہنا چاہتے ہیں کیونکہ ہمارا ملک مزید تقسیم کو برداشت نہیں کر سکتا اور تاریخی تجربہ بھی اس مسئلے کو ثابت کرتا ہے،لبنان کی حزب اللہ کے سکریٹری جنرل نے بھی تمام لوگوں سے صبر و تحمل کا مظاہرہ کرنے کی اپیل کی اور کہا کہ کسی بھی قسم کے تناؤ، غصے اور نامناسب الفاظ کی اجازت نہیں ہے، ہمیں اپنے ہم وطنوں کے ساتھ اپنے غصے کو ٹھنڈا رکھنا چاہیے تاکہ ملک کی تعمیر ہو سکے۔

رمضان المبارک کے مقدس مہینے میں لبنان کی حزب اللہ کے سکریٹری جنرل کی یہ تیسری تقریر ہے اور انہوں نے اپنی تقریر میں بیت المقدس، مغربی کنارے اور شام کے واقعات کے درمیان ایک محور اور رابطہ ہونے پر زور دیا۔