عالمی برادری سعودیوں کو مزید جرائم کرنے کی ترغیب دلارہی ہے: انصار اللہ

?️ 6 دسمبر 2021

سچ خبریں:یمن کی انصار اللہ کے ترجمان نےجارح سعودی اتحاد کے ہاتھوں یمنی عوام پر ہونے والے ظلم و ستم کے حوالے سے عالمی برادری کی بے حسی پر شدید تنقید کرتے ہوئے کہاکہ بین الاقوامی برادری یمن میں مزید جرائم کے لیے سعودی اتحاد کی حوصلہ افزائی کرتی ہے۔
العہد چینل کی رپورٹ کے مطابق یمن کی انصار اللہ تحریک کے ترجمان محمد عبدالسلام نے اپنے ملک کے بے دفاع اور بے گناہ عوام کے خلاف سعودی جارح اتحاد کے مسلسل جرائم پر ردعمل کا اظہار کیا، رپورٹ کے مطابقعبدالسلام نے کہاکہ بدقسمتی سے ہم دیکھتے ہیں کہ بین الاقوامی برادری نے جان بوجھ کر یمنی عوام کے خلاف غیر ملکی جارحیت اورظلم و ستم پر آنکھیں بند کر رکھی ہیں۔

تحریک انصار اللہ کے ترجمان نے کہاکہ عالمی برادری کی جانب سے سعودی اتحاد کے معاندانہ اقدامات کو نظر انداز کرنا اس اتحاد کے لیے یمنیوں کے خلاف مزید جرائم اور محاصرے کو تیز کرنے کی ترغیب ہے، انہوں نے سعودی جارح اتحاد کے خلاف عالمی برادری کے موقف کو "دوہرا میعار” قرار دیتے ہوئے کہاکہ بلاشبہ یہ دوہرا معیار یمنی عوام کو ماضی کی نسبت اپنی سرزمین کے دفاع کے لیے زیادہ پرعزم بنا دے گا۔

یادرہے کہ اس سے قبل یمن کی سپریم پولیٹیکل کونسل کے رکن محمد علی الحوثی نے ٹویٹ کیا کہ یمن میں امن کے لیے سعودی اقدام ابتدائی تھا، انہوں نے مزید کہاکہ ہمارا اقدام یمنی عوام کے لیے تھا نہ کہ یمنی عوام کے ساتھ ابتدائی مذاکرات کا نتیجہ،انھوں نے مزید کہا کہ سعودی عرب ایک طرف اپنی ناکامیوں اور دوسری طرف اپنے غیر حقیقی مطالبات کے درمیان پھنسا ہوا ہے۔