طالبان کا افغانستان – پاکستان کی ایک اہم سرحدی گزرگاہ پر قبضہ کرنے کا دعوی

?️ 14 جولائی 2021

سچ خبریں:آج صبح طالبان نے ایک اہم افغانستان اورپاکستان کے درمیان ایک بین الاقوامی سرحدی گزرگاہ کو اپنے قبضہ میں لیے کا دعوی کیا۔
اسپوٹنک نیوز ایجنسی نے بریکنگ نیوز میں اطلاع دی ہے کہ طالبان نے افغانستان اور پاکستان کے درمیان ایک اہم کراسنگ پوائنٹ پر کنٹرول حاصل کرنے کا دعوی کیا ہے،طالبان کے ترجمان ذبیح اللہ مجاہد نے کہا کہ طالبان فورسز نے صوبہ قندھار میں ویش بین الاقوامی کراسنگ پوائنٹ پر قبضہ کرنے میں کامیابی حاصل کی ہے اور اس کے کسٹم آفس پر بھی قبضہ کرلیا ہے،تاہم اس سلسلہ مین ابھی تک مزید تفصیلات جاری نہیں کی گئی ہیں۔

واضح رہے کہ طالبان نے حالیہ ہفتوں میں ہمسایہ ممالک کے ساتھ افغانستان کی سرحدوں کے متعدد بارڈر، عبوری لائنیں اور کسٹم آفس ضبط کرلئے ہیں،درایں اثناطالبان نے گذشتہ ہفتے دعوی کیا تھا کہ انہوں نے افغانستان کا 85 فیصد قبضہ کر لیا ہے،یادررہے کہ حالیہ دنوں میں افغانستان کے کچھ حصوں میں سرکاری فوج اور طالبان کے درمیان جھڑپیں ہوئی ہیں۔

قابل ذکر ہے کہ امریکہ نے افغانستان میں بیس سال کی موجودگی کے بعد ایسے وقت میں اس ملک کے اپنی فوجیں واپس بلانے کا فیصلہ لیا ہے جبکہ طالبان لگاتا ر متعدد شہروں پر قبضہ کر رہے ہیں جن کے بارے میں کہا جاتا ہے کہ انھیں امریکہ سمیت متعدد مغربی ممالک کی پشت پناہی حاصل ہے،مبصرین کا کہنا ہے کہ امریکہ یہ ثابت کرنا چاہتا ہے کہ اسی کی وجہ سے افغانستان بلکہ پورے مشروق وسطی میں امن قائم ہے،اگر وہ اس خطہ سے چلا جائے گا کہ تو ہر ملک میں خانہ جنگی شروع ہوجائے گی جیسا کہ امریکی متعدد عہدہ دار انتباہ دے چکے ہیں۔