طالبان امن بجائے جنگ کی دہشت گردی کی راہ پر گامزن ہیں؛افغان صدر کا الزام

?️ 2 اگست 2021

سچ خبریں:افغانستان کے صدر اشرف غنی نے طالبان کو دہشگردقرار دیتے ہوئے کہا کہ یہ گروہ نہ ملک کی سلامتی کا خواہاں ہے اور نہ ہی امن چاہتا ہے۔
افغان ذرائع ابلاغ کی رپورٹ کے مطابق افغانستان کے اشرف غنی نے کہا ہے کہ طالبان دہشت گرد افغان امن عمل سے متعلق جھوٹ بول رہے ہیں وہ افغانستان میں سکیورٹی کی صورتحال تبدیل نہ ہونے تک امن عمل میں شامل نہیں ہوں گے،انہوں نے مزید کہا کہ افغانستان میں سکیورٹی کی صورتحال اگلے چھ ماہ میں تبدیل ہوجائے گی اور افغان شہروں کی سلامتی ان کی ترجیح ہے۔

ان کا کہنا تھا کہ طالبان تبدیل نہیں ہوئے، وہ امن نہیں چاہتے وہ ملک کی ترقی نہیں چاہتے اور طالبان نے دہشت گرد گروپوں کو ملک میں داخل ہونے کی اجازت دی نیز یہ آج بھی دہشت گردی کے راستے پر گامزن ہیں۔

انھوں نے مزید کہا کہ طالبان کی اس حد تک دہشتگردی کی ایک وجہ اس ملک سے امریکی فوج کا غیر ذمہ دارانہ انخلا ہےجبکہ ہم نے پہلے ہی واشنگٹن کو انتباہ دیا تھا جلدبازی میں فوجی انخلا کے خطرناک نتائج برآمد ہوسکتے ہیں لیکن انھوں نے ایک نہیں سنی اور ہمارے ملک کو اس حد تک پہنچا دیا ہے۔