صیہونی خفیہ تنظیموں میں بھی حماس موجود

?️ 18 مئی 2024

سچ خبریں: صیہونی میڈیا کی رپورٹ میں قابض حکومت کے سیکورٹی اور جاسوسی کرنے والے عناصر کے فونز میں حماس کی سیکورٹی فورسز کے داخل ہونے سے آگاہ کیا گیا ہے۔

فلسطینی شہاب خبررساں ایجنسی کی رپورٹ کے مطابق صہیونی اخبار Haaretz کی جانب سے کی جانے والی فیلڈ تحقیقات کے نتائج، جس کی تفصیلات آئندہ دو روز میں شائع کی جائیں گی، میں اس بات پر زور دیا ہے کہ حماس کی سیکورٹی فورسز نے صہیونی انٹیلی جنس سروسز کے افسران کے فونز کو ہیک کرنے میں کامیابی حاصل کر لی۔

یہ بھی پڑھیں: صیہونی اعلیٰ فوجی انٹیلی جنس عہدیدار مستعفی،وجہ؟

اس تحقیق کے نتائج سے ظاہر ہوتا ہے کہ حماس نے اس پیچیدہ سیکیورٹی آپریشن میں فلسطین کے باہر سے درآمد کی گئی جدید تکنیکی ٹیکنالوجیز کا استعمال کیا ہے۔

اس رپورٹ کے مطابق؛ حماس کی سیکیورٹی فورسز نے اسرائیلی انٹیلی جنس افسران کی کچھ فلسطینی شہریوں کے ساتھ واٹس ایپ اور دیگر ایپلی کیشنز کے ذریعے ہونے والی گفتگو کو روک دیا ہے۔

اس رپورٹ میں اس بات پر تاکید کی گئی ہے کہ صیہونی حکومت کی سیکورٹی سروسز کا خیال ہے کہ یہ واضح نہیں ہے کہ انہوں نے اس عمل کو روکنے کے لیے جو نئے حفاظتی اقدامات پر غور کیا ہے وہ ان فونز کی دوبارہ ہیکنگ کو روکنے کے لیے کافی ہیں یا نہیں۔

حماس کی جانب سے7 اکتوبر کو اسرائیل پر حملے میں صیہونی حکومت کی انٹیلی جنس ناکامی کے بعد قابض انٹیلی جنس سروس کے سربراہ ہارون ہالوی نے حال ہی میں اعلان کیا کہ وہ انٹیلی جنس کی ناکامی کی وجہ سے اپنے عہدے سے سبکدوش ہو رہے ہیں۔

ہالوی نے پہلے اور واحد اسرائیلی اہلکار ہیں جنہوں نے صیہونی حکومت کی سرحدوں پر حماس کے بے مثال حملے کے بعد شکست کی ذمہ داری قبول کی اور اس بات پر زور دیا کہ ان سے اپنے فرائض کی انجام دہی میں غلطیاں ہوئیں۔

طے پایا ہے کہ ہالوی اپنے جانشین کا اعلان کرنے کے بعد سبکدوش ہو جائیں گے،جو ان سینئر اسرائیلی سیکورٹی اہلکاروں میں مزید استعفوں کی راہ ہموار کر سکتا ہے جو 7 اکتوبر کو ہونے والے بڑے حملے سے قبل حماس کی نقل و حرکت اور منصوبوں کی پیش گوئی کرنے میں ناکام رہے۔

مزید پڑھیں: حزب اللہ کی انٹیلی جنس طاقت صیہونیوں کے لیے ڈراؤنا خواب

اسرائیلی حکام کے مطابق حماس کے حملے کے نتیجے میں تقریباً 1200 اسرائیلی ہلاک اور 250 افراد کو یرغمال بنایا گیا جس کے جواب میں اسرائیلی فوج نے غزہ کی پٹی پر زبردست حملہ کیا جو 6 ماہ قبل سے جاری ہے اور ان حملوں میں 35 ہزار سے زائد افراد شہید ہو چکے ہیں۔