صیہونی حملے کا جواب دیں گے:شام

?️ 23 جولائی 2022

سچ خبریں:شام کی وزارت خارجہ نے دمشق کے مضافات میں صیہونی حکومت کے حملے پر ردعمل کا اظہار کرتے ہوئے سلامتی کونسل اور اقوام متحدہ کے سکریٹری جنرل کو خطوط بھیجے ہیں۔
صیہونی حکومت کی جارحیت کے جواب میں شام کی وزارت خارجہ نے اعلان کیا کہ ہم سلامتی کونسل اور اقوام متحدہ سے مطالبہ کرتے ہیں کہ وہ دمشق کے مضافات میں اسرائیلی حملوں کی مذمت کریں، ہم اس حملے کا مناسب ذرائع سے جواب دینے کا حق محفوظ رکھتے ہیں اور جو بین الاقوامی قانون اور اقوام متحدہ کا چارٹر حملوں کے خلاف متعین کرتا ہے۔

شام کی وزارت خارجہ نے دمشق کے مضافات میں صیہونی حکومت کے مجرمانہ حملوں کے حوالے سے اقوام متحدہ کے سکریٹری جنرل اور سلامتی کونسل کے صدر کو دو الگ الگ خط بھیجے ہیں،ان خطوط میں کہا گیا ہےکہ 22 جولائی 2022 کو اسرائیلی قابض فوج نے مقبوضہ گولان سے شام پر میزائل داغ کر مجرمانہ حملہ کیا جس سے بعض علاقوں کو نشانہ بنایا گیا۔

واضح رہے کہ دمشق کے نواحی علاقے قابض فوج کے بزدلانہ حملے کے نتیجے میں تین شامی فوجی شہید اور سات زخمی ہوئے ، شام کی وزارت خارجہ نے کہا کہ شام اسرائیل کے ان لگاتار حملوں کے خلاف بین الاقوامی قانون اور اقوام متحدہ کے چارٹر کے ذریعہ اجازت یافتہ تمام مناسب آلات کے ساتھ رد عمل کا اظہار کرنے کے اپنے حق پر اصرار کرتا ہے نیز سلامتی کونسل اور اقوام متحدہ کے سکریٹری جنرل سے ایک بار پھر صیہونیوں کو اس جارحیت کا ذمہ دار ٹھہرانے کا مطالبہ کرتا ہے اور اپیل کرتا ہے کہ اقوام متحدہ کے چارٹر کے مطابق عمل کریں اور اس نئے اسرائیلی حملے کی بلا تاخیر مذمت کریں۔