صیہونی انتہاپسند وزیر فلسطینی رہنماؤں کے بارے میں کیا کہتے ہیں؟

?️ 26 اگست 2023

سچ خبریں: صیہونی حکومت کے داخلی سلامتی کے وزیر نے جو کہ نیتن یاہو کی کابینہ کی انتہاپسند شخصیات میں شمار ہوتے ہیں، نے ایک بار پھر مزاحمتی کاروائیوں کے جواب میں فلسطینی رہنماؤں کے قتل کی ضرورت پر زور دیا۔

یہ بھی پڑھیں: مارو گے تو جواب صرف غزہ سے نہیں دیا جائے گا؛فلسطینی مجاہدین کا صیہونیوں کو انتباہ

صیہونی حکومت کے داخلی سلامتی کے وزیر ایتمار بن گوئیر نے ایک بار پھر فلسطینی رہنماؤں کا قتل عام شروع کرنے کا مطالبہ کیا ہے، صیہونی حکومت کے چینل 12 نے ایتمار بن گوئیر کے حوالے سے کہا ہے کہ وہ قتل و غارت گری کے دوبارہ آغاز اور مغربی کنارے کے محاصرے کی حمایت کرتے ہیں۔

ایتمار بن گوئیر نے صیہونی حکومت کے وزیر جنگ یوو گیلنٹ پر بھی تنقید کی اور کہا کہ وہ اپنے اندازوں اور پالیسیوں میں غلط ہیں نیز ان کا اور ان کی اہلیہ کا مغربی کنارے میں سفر کرنے کا حق فلسطینیوں کے حق سے زیادہ اہم ہے۔

واضح رہے کہ حالیہ دنوں میں نابلس اور الخلیل (مغربی کنارے کے شمال اور جنوب) میں فائرنگ کی دو حالیہ کاروائیوں میں کم از کم تین صہیونی ہلاک اور متعدد زخمی ہوگئے تھے۔

مزید پڑھیں: نیتن یاہو میں قتل و غارت کی پالیسی اپنانے کی ہمت نہیں / استقامتی محاذ پہلے سے زیادہ متحد ہے:عطوان

صیہونی ذرائع کے مطابق اس سال (2023) کے آغاز سے اب تک مزاحمتی کاروائیوں کے نتیجہ میں 36 صیہونی ہلاک ہو چکے ہیں۔

قابل ذکر ہے کہ مقبوضہ علاقوں میں مزاحمتی کاروائیوں کی نئی لہر خصوصاً مغربی کنارے پر توجہ مرکوز کرنے سے صیہونی حکومت کے اندرونی تنازعات میں شدت آگئی ہے جبکہ بعض حکام نے ایک دوسرے پر الزامات عائد کرتے ہوئے بعض عہدیداروں کی برطرفی کا مطالبہ کیا ہے۔