صیہونیوں کا مسجدالاقصی میں نمازیوں پر حملہ

?️ 19 جون 2021

اسرائیلی افواج نے جمعہ سہ پہر کو مسجد اقصیٰ میں فلسطینی نمازیوں پر حملہ کیا اور ان میں سے متعدد کو زخمی کردیا۔
فلسطینی ذرائع ابلاغ کی رپورٹ کے مطابق فلسطینی نوجوانوں نے مقبوضہ بیت المقدس کے پرانے حصے میں مسجد اقصیٰ سے باب العامود تک نماز جمعہ کے بعد آج کے مارچ میں بڑے پیمانے پر فلسطینیوں کی شرکت پر زور دیا،جس کا مقصد گذشتہ منگل کو اپنے نام نہاد "فلیگ مارچ” کے دوران صیہونی حکومت کے آباد کاروں کے ہاتھوں حضور نبی اکرم کی حالیہ توہین کی مذمت کرنا تھا۔

یادرہے کہ منگل کے روز اپنے مارچ کے دوران آباد کاروں نے نسل پرستانہ سلوک کے علاوہ جب وہ باب العامود اسکوائر سے دیوار البراق اسکوائر کے لئے روانہ ہوئے توانھوں نے حضور اکرم کی توہین کی ،درایں اثنا صہیونی فورسز نے گذشتہ رات باب العامود کے علاقے میں اس اقدام کی مذمت میں احتجاج کر نے والے ایک نوجوان فلسطینی کو گرفتار کرلیا۔

واضح رہے کہ فلسطینی نوجوانوں نے صیہونی آباد کاروں کی طرف سے حضور نبی اکرم صلی اللہ علیہ وسلم کی توہین کی مذمت کے لئے مسجد اقصیٰ میں نماز جمعہ کے بعد ایک بڑے پیمانے پر مارچ کا آغاز کرنے کے مطالبہ کیا جس کے جواب میں صہیونی عسکریت پسندوں نے مسجد اقصی کے اندر نمازیوں پر حملہ کیا۔

فلسطینی ہلال احمر کمیٹی کے مطابق صیہونیوں کے ہاتھوں اس مظاہرے کو دبانے کے دوران دو صحافیوں سمیت تین فلسطینی زخمی ہوگئے، مقامی فلسطینی ذرائع نے بتایا کہ اسرائیلی فورسز نے باب السلسلہ سے مسجد اقصی پر حملہ کیا اور فلسطینی نمازیوں پر پلاسٹک اور لوہے کی گولیوں سے فائر کیا، اسی دوران فلسطینی ذرائع نے بتایا کہ مغربی کنارے کے شہر نابلس کے جنوب میں واقع شہر بیتامیں بھی صیہونیوں نے فلسطینی اجتماع پر وسیع پیمانے پر آنسو گیس کے گولے داغے۔