صمود فلوٹیلا کے تونسی ناخدا اسرائیل میں ہونے والے تشدد کے بارے میں کیا کہا؟

?️ 8 اکتوبر 2025

صمود فلوٹیلا کے تونسی ناخدا اسرائیل میں ہونے والے تشدد کے بارے میں کیا کہا؟
غزہ کی ناکہ بندی توڑنے کے لیے روانہ ہونے والے صمود فلوٹیلا کے تونس کے ناخدا نے اسرائیلی فوج کے ہاتھوں پیش آنے والے ظالمانہ اور غیرانسانی سلوک کی تفصیل بیان کی ہے۔
محمد علی، جو اس مشن میں رضاکارانہ طور پر شامل ہوئے تھے، اسرائیلی فوج کی جانب سے کشتی پر حملے اور گرفتاری کے بعد واپس تونس پہنچ گئے۔ انہوں نے اسپوتنک عربی سے گفتگو میں بتایا کہ وہ ہمیشہ سے اسرائیل کے ہاتھوں فلسطینی عوام کے قتلِ عام کے خلاف آواز اٹھانا چاہتے تھے اور اسی مقصد کے تحت اس مشن میں شامل ہوئے۔
محمد علی کے مطابق جب اسرائیلی بحریہ نے ان کی کشتی کو روکا تو مسافروں نے پُرامن رویہ اختیار کیا، لیکن اسرائیلی فوجی شدید خوفزدہ اور غصے میں تھے۔
انہوں نے بتایا ہم پر بندوقیں تان دی گئیں، ہمیں ہاتھ اٹھانے پر مجبور کیا گیا، اور دہشت گرد کہہ کر گالیاں دی گئیں، حالانکہ ہم مکمل طور پر غیرمسلح تھے۔
انہوں نے مزید کہا کہ اسرائیلی فوجیوں نے انہیں کھانے، پانی اور دوا سے محروم رکھا، مسلسل بازپُرس کی اور تشدد بھی کیا۔
محمد علی نے بتایا کہ کشتی میں موجود خواتین کے ساتھ بھی غیرانسانی سلوک کیا گیا۔ان کے حجاب زبردستی اتارے گئے، اور جب ایک خاتون نے اپنی قمیض سے سر ڈھانپنے کی کوشش کی تو فوجیوں نے اجازت نہیں دی۔ یہ مناظر انتہائی تکلیف دہ تھے۔محمد علی کا کہنا تھا کہ وہ تمام خطرات سے واقف تھے، لیکن پھر بھی گئے کیونکہ ان کے نزدیک یہ اقدام انسانی مزاحمت کی علامت تھا۔
انہوں نے کہا کہ اس مشن کا مقصد صرف غزہ پہنچنا نہیں تھا بلکہ دنیا کو محاصرہ توڑنے کا پیغام دینا تھا۔انہوں نے زور دیا کہ اس طرح کی مزید کوششیں کی جانی چاہئیں ہمیں موقع کا انتظار نہیں کرنا چاہیے، بلکہ خود مواقع پیدا کرنے چاہئیں تاکہ فلسطینی عوام کی آواز دنیا تک پہنچے۔
دوسری جانب، حماس نے اسرائیلی فوج کے ان غیرانسانی اقدامات پر شدید ردِعمل ظاہر کیا ہے۔اپنے بیان میں حماس نے کہا کہ ناوگانِ صمود کے کارکنان کی گواہیاں اسرائیلی بربریت اور بین الاقوامی قوانین کی کھلی خلاف ورزی کا ثبوت ہیں۔تنظیم نے مطالبہ کیا کہ ان گواہیوں کو دستاویزی شکل دی جائے تاکہ اسرائیل کے جرائم کو عالمی سطح پر بے نقاب کیا جا سکے۔