شام کی سرزمین میں صیہونیوں کی آزادانہ دخل اندازی بڑگتی ہوئی

سچ خبریں:عبرانی میڈیا ذرائع بشمول کان نیٹ ورک نے رپورٹ دی ہے کہ پاشان نامی صہیونی تحریک کے تقریباً 70 کارکنان نے جبل الشیخ علاقے میں دراندازی کرتے ہوئے شام کی سرزمین کی خلاف ورزی کی، جس کے نتیجے میں اس سرحدی علاقے میں افراتفری کی صورت حال پیدا ہو گئی۔

قابض حکومت کی فوج نے ایک بیان جاری کیا، جسے خود مختاری کی اس خلاف ورزی کو جائز قرار دینے کی کوشش سمجھا جا رہا ہے، اور دعویٰ کیا کہ ان افراد کو شامی سرزمین میں داخل ہونے کے چند گھنٹوں بعد حراست میں لے کر قانونی کارروائی کے لیے پولیس کے حوالے کر دیا گیا۔

یہ کھلی جارحیت ایسے وقت میں ہوئی ہے جب شام میں الجولانی کے ماتحت گروہ، ملک کی سرحدوں کے دفاع کے بجائے، صہیونیوں کی خوشنودی کے لیے تنازعات پیدا کرنے اور لبنان کی حزب اللہ کے خلاف محاذ آرائی میں مصروف ہے۔

قابض اسرائیلی فوج کی جانب سے جاری کردہ تصاویر کے مطابق، آباد کاروں نے آسانی سے درعا صوبے کی گہرائی میں دراندازی کی، جو الجولانی کی افواج کے زیرِ کنٹرول ہے۔

درعا کے عوام نے صہیونی حکومت کی بار بار ہونے والی جارحیت اور شام کی ارضی سالمیت سے متعلق الجولانی کی غدارانہ لاپروائی کے ردعمل میں قابضین کے خلاف مزاحمتی تحریک کے قیام کا اعلان کیا ہے۔

واضح رہے کہ تکفیری گروہ، اپنی عوام مخالف پالیسیوں کے تسلسل میں، حالیہ دنوں میں نہ صرف قابضین کی خدمت کر رہے ہیں بلکہ مذہبی اقلیتوں کو ایذا دینے اور دبانے کا بھی سہارا لے رہے ہیں، اور حمص کے نواحی علاقے میں ایک شیعہ آباد گاؤں کے باشندوں کو انخلاء کی مہلت دے دی ہے۔