شام پر صیہونی حملہ؛ 2 افراد زخمی

?️ 26 اگست 2022

سچ خبریں:شام کے ایک فوجی عہدہ دار نے جمعہ کی صبح اعلان کیا کہ اس ملک کے حماۃ اور طرطوس شہر کے اطراف میں صیہونی حکومت کے گذشتہ رات کے حملے میں 2 افراد زخمی ہوئے ہیں۔

شامی فوجی عہدہ دار نے اس ملک کی سرکاری خبر رساں ایجنسی سانا کو بتایا کہ شام کے فضائی دفاع نے مقامی وقت کے مطابق تقریباً 19:15 پر اسرائیلی فضائی حملوں کا مقابلہ کیا، اس شامی عہدہ دار نے اپنا نام ظاہر نہ کرنے کی شرط پر بتایا کہ یہ حملہ سمندر سے اور صوبہ طرطوس کے جنوب مغرب سے کیا گیا، تاہم دشمن کے زیادہ تر میزائلوں کو مار گرایا گیا جو حماۃ اور طرطوس شہروں کے ارد گرد گرنے والے تھے ۔

اس شامی عہدہ دار نے اعلان کیا ہے کہ اس حملے میں دو افراد کے زخمی ہونے کے علاوہ مادی نقصانات بھی ہوئے اور بعض علاقوں میں آگ لگ گئی،یاد رہے کہ جمعرات کی رات سانا نے کہا کہ حماۃ صوبے کے شہر میصاف کے ارد گرد کئی دھماکوں کی آوازیں سنی گئیں۔

سیریئن آبزرویٹری فار ہیومن رائٹس، جس کا دفتر لندن میں واقع ہے، نے اعلان کیا کہ یہ اسرائیلی حملہ 2022 میں شامی سرزمین پر 21 واں حملہ اور حماۃ صوبے پر تیسرا حملہ ہے، اس میڈیا کی رپورٹ کے مطابق شامی فوج کے فضائی دفاع نے صوبہ حماۃ میں میصاف کی فضا میں دشمن کے حملوں کا مقابلہ کیا ہے۔