سید ابراہیم رئیسی ایران کے نئے صدر منتخب

?️ 19 جون 2021

سچ خبریں:ایران میں کل ہونے والے صدراتی انتخابات کے اب تک آنے والے نتائج سے معلوم ہوتا ہے کہ اس ملک کے نئے صدر آیت اللہ رئیسی ہوں گے۔
اسلامی جمہوریہ ایران کے ذرائع ابلاغ کی رپورٹ کے مطابق ایران کے صدارتی امیدواروں محسن رضائی ، ناصرہمتی اور قاضی زادہ ہاشمی نے سید ابراہیم رئيسی کو ملت کا منتخب صدر تسلیم کرتے ہوئے انہيں مبارکباد پیش کی ہے،دوسری جانب صدر ڈاکٹرحسن روحانی نے بھی نئے صدر کا نام لئے بغیر مبارکباد پیش کی ہے، اب سے ذرا دیر پہلے اپنے ایک خطاب میں حسن روحانی نے کہا کہ ان کی کامیابی پر باضابطہ طور سے مبارکباد کا پیغام بعد میں جاری کروں گا۔

ایرانی پارلیمنٹ اسپیکر محمد قالیباف نے بھی سید ابراہیم رئیسی کو صدر منتخب ہوجانے پر اپنی اور اراکین پارلیمنٹ کی جانب سے مبارکباد پیش کی ہے۔
سحر