سعودی عرب میں خاشقجی کے انداز میں یمنی نوجوان کا قتل

?️ 19 نومبر 2022

سچ خبریں:سعودی سکیورٹی فورسز نے خاشقجی کے انداز میں ایک یمنی نوجوان کو قتل کر دیا۔

عرب میڈیا کی رپورٹ کے مطابق سعودی سکیورٹی فورسز نے ریاض میں ایک اور خوفناک جرم کے ساتھ استنبول میں اس ملک قونصل خانے میں ہونے والے جمال خاشقجی کے قتل کی یاد کو تازہ کر دیا،اس جرم کا شکار ہونے والا 24 سالہ یمنی نوجوان علی عاطف هضبان العلیی ہے جسے سعودی سکیورٹی فورسز نے نامعلوم وجوہات کی بنا پر ریاض میں اس کے کام کی جگہ سے اغوا کرنے کے بعد اسے تشدد کا نشانہ بنایا اور اس کے بعد اس کا گلا گھونٹ دیا۔

سوشل میڈیا میں "یمن کا خاشقجی” کے نام سے مشہور ہونے والے اس واقعہ نے کافی شور مچا رکھا ہے،انسانی حقوق کی تنظیم "انسان” نے اعلان کیا ہے کہ اس یمنی نوجوان کو سعودی سکیورٹی سسٹم کے نمبرز کے ذریعے دھمکی آمیز پیغامات موصول ہوئے تھے۔

انسانی حقوق کی اس تنظیم کی طرف سے شائع کردہ رپورٹ اور دستاویزات کے مطابق سعودی سکیورٹی اداروں نے اس جرم کو چھپایا اور قانونی عمل سے گزرے بغیر رات کے وقت یمنی نوجوان کی لاش کو دفن کر دیا،مقتول کے کچھ رشتہ داروں کو سعودی حکام کی جانب سے دھمکی بھی دی گئی ہے کہ اگر انہوں نے پوسٹ مارٹم کی درخواست کی یا اس قتل کے بارے میں کسی کو بتایا تو انہیں قید کر دیا جائے گا۔

واضح رہے کہ یہ یمنی عوام کے خلاف سعودی عرب اور اس کے کرائے کے فوجیوں کے روزانہ ہونے والے درجنوں جرائم کی ایک مثال ہے،اس سے قبل یمن میں سعودی عرب کے زیر قبضہ علاقوں میں کیمپوں میں مقیم خواتین اور لڑکیوں کی عصمت دری کی خبریں سامنے آئی تھیں۔