سعودی عرب میں امریکہ اور عرب ممالک کی مشترکہ جنگی مشقیں

?️ 31 مئی 2023

سچ خبریں:امریکی فوج کی مرکزی کمان نے سعودی عرب میں پہلی بار اس ملک اور خلیج فارس تعاون کونسل کے رکن بعض ممالک کے ساتھ مشترکہ مشقوں کے انعقاد کا اعلان کیا ہے۔

ٹی آر ٹی نیوز ایجنسی کی رپورٹ کے مطابق امریکی فوج کی سینٹرل کمانڈ (CENTCOM) نے ایک بیان جاری کرتے ہوئے سعودی عرب میں امریکہ اور خلیج فارس تعاون کونسل کے بعض رکن ممالک کی شرکت سے ایگل ول 23 کے نام سے جنگی مشق شروع کرنے کا اعلان کیا ہے۔

اس رپورٹ کے مطابق مذکورہ مشق فضائی دفاعی امور اور ڈرونز کے تصادم پر مرکوز ہوگی، سینٹ کام کی جانب سے جاری بیان میں دعویٰ کیا گیا ہے کہ امریکہ اور عرب ممالک کے درمیان مشق کا انعقاد علاقائی استحکام کے حصول کے لیے افواج کی تیاری کی سطح کو جانچنا ہے۔

واضح رہے کہ اس مشق میں جنگی گولیوں سے فائرنگ، فضائی زمینی دفاعی آلات اور ڈرون شکن طیارے شامل ہیں۔

سینٹ کام کی جانب سے جاری کردہ بیان میں مذکورہ مشق کے دورانیے یا اس میں شریک فوجیوں کی تعداد یا سعودی عرب کے علاوہ اس مشق میں شریک عرب ممالک کے ناموں کا ذکر نہیں کیا گیا ہے۔

سعودی عرب کی سرکاری خبر رساں ایجنسی نے اطلاع دی ہے کہ ایگل ول مشق 23 کا انعقاد فوجی تعاون کو مضبوط بنانے اور زمینی، فضائی اور میزائل دفاع کے شعبے میں تجربات کا تبادلہ کرنا ہے۔

اس خبر رساں ایجنسی نے اطلاع دی ہے کہ مذکورہ مشق سے قبل اس مشق اور اس کے انعقاد کے طریقہ کار کا جائزہ لینے کے لیے آٹھ اجلاس منعقد کیے گئے ہیں۔